Reitir fasteignafélag

Reitir er meðal stærstu fasteignafélaga landsins. Félagið er sérhæft í eignarhaldi, útleigu og umsýslu atvinnuhúsnæðis sem er að stærstum hluta verslunar- og skrifstofuhúsnæði. Innan eignasafnsins eru á annað hundrað fasteignir auk metnaðarfullra þróunarverkefna. Reitir er skráð í Kauphöll Íslands, félagið byggir á arfleifð umsvifa sem hófst með þróun Kringlunnar árið 1987. Á síðari árum hafa Reitir hlúð að sögufrægum byggingum og staðið þannig vörð um íslenskan menningararf á sama tíma og horft er til sjálfbærrar framtíðar. Hjá Reitum starfar reynslumikill og samheldinn hópur sérfræðinga í rekstri, útleigu og fjárfestingu í fasteignum. Gildi Reita; jákvæðni, fagmennska og samvinna eru lykilþættir í daglegri starfsemi.

Vinnustaðurinn

Forstöðumaður sjálfbærni

Við leitum að metnaðarfullum og framsýnum leiðtoga í sjálfbærni til að móta og leiða stefnu Reita í sjálfbærni- og umhverfismálum. Viðkomandi mun bera ábyrgð á að innleiða skýra framtíðarsýn sem styður við langtímamarkmið félagsins og tryggir að sjálfbærni sé órjúfanlegur hluti starfseminnar.

Starfið heyrir beint undir forstjóra og felur í sér náið samstarf með stjórnendum og starfsfólki þvert á deildir félagsins til að greina og hámarka sjálfbærnitækifæri í stóru eignasafni Reita og styðja þannig við verðmætasköpun með sjálfbærum lausnum í rekstri og þróun fasteigna.

Helstu verkefni og ábyrgð

Móta og byggja upp sjálfbærnimarkmið Reita í takt við þróun, staðla og stefnu félagsins.
Leiða innleiðingu og framgang vottaðra þróunarverkefna og umhverfisvottana fasteigna sem staðfesta gæði þeirra og styðja við sjálfbæran rekstur og vinnuumhverfi.
Greina tækifæri og styðja við innleiðingu sjálfbærra lausna í starfsemi félagsins og fasteignum, með sérstaka áherslu á kolefnisspor í rekstri og framkvæmdum, vottanir og græna fjármögnun.
Tryggja innleiðingu og framkvæmd upplýsingagjafar í samræmi við CSRD-reglugerðina og sjá til þess að sjálfbærniupplýsingar séu unnar og birtar í samræmi við helstu viðmið.
Hafa yfirumsjón með sjálfbærniskýrslu félagsins, mælikvörðum og upplýsingagjöf.
Viðhalda og efla samskipti við hagaðila, þar á meðal starfsfólk, fjárfesta og viðskiptavini, með markvissri miðlun upplýsinga og skýrslugerð um sjálfbærnimál.

Menntunar- og hæfniskröfur

Háskólamenntun sem nýtist í starfi, t.d. á sviði sjálfbærni, viðskiptafræði, verkfræði eða verkefnastjórnunar.
Reynsla af innleiðingu eða vinnu með uppgjörsstaðla á borð við GRI, SASB, Nasdaq EGS, CSRD eða sambærilega staðla og færni í að tryggja samræmi við reglugerðir um birtingu sjálfbærniupplýsinga.
Þekking á sjálfbærniviðmiðum í byggingariðnaði (t.d BREEAM, LEED og/eða Svansvottun) er kostur.
Framúrskarandi samskipta- og samstarfshæfni til að vinna þvert á svið og leiða verkefni innan félagsins.
Skipulagshæfni og geta til að vinna sjálfstætt.
Góð íslensku- og enskukunnátta, bæði í rituðu og töluðu máli.

Reitir er leiðandi fyrirtæki í fasteignaþróun ásamt rekstri og eignarhaldi atvinnuhúsnæðis. Innan eignasafns Reita eru um 460 þúsund fermetrar atvinnuhúsnæðis í rekstri auk 700 íbúða og 140 þúsund fermetra atvinnuhúsnæðis í þróun. Við leggjum áherslu á sjálfbæra uppbyggingu innviða og langtíma leigusambönd þar sem  sameiginlegur ávinningur leigutaka, okkar og samfélagsins er í lykilatriði. Fyrirtækið er almenningshlutafélag skráð í Kauphöll síðan 2015. Eigendur eru að stærstum hluta íslenskir lífeyrissjóðir.

Nánari upplýsingar veitir Hlynur Atli Magnússon - [email protected]

Auglýsing birt18. mars 2025

Umsóknarfrestur31. mars 2025

Tungumálahæfni

Engar sérstakar tungumálakröfur

Staðsetning

Kringlan 4-12, 103 Reykjavík

Starfstegund

Starfsgreinar

Starfsmerkingar

Sambærileg störf (12)