Laus störf Hæfnileit Vinnustaðir Námskeið

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Forstöðumaður Plastiðjan Bjarg – Iðjulundur

Velferðarsvið Akureyrarbæjar auglýsir lausa til umsóknar stöðu forstöðumanns Plastiðjunnar Bjarg – Iðjulundur (PBI). Um er að ræða ótímabundið 100% dagvinnustarf.

Á velferðarsviði Akureyrarbæjar er rekin fjölbreytt velferðarþjónusta samkvæmt lögum um félagsþjónustu sveitarfélaga, barnaverndarlögum, lögum um þjónustu við fatlað fólk með langvarandi stuðningsþarfir, lögum um samþættingu þjónustu í þágu farsældar barna og lögum um málefni aldraðra.

PBI er starfsþjálfunar og starfsendurhæfingar vinnustaður. Markmið staðarins er að efla þátttöku fatlaðs fólks á almennum vinnumarkaði, auka vinnuhæfni í starfsþjálfun og starfsendurhæfingu með því að skapa þeim atvinnutækifæri við hæfi.

Forstöðumaður PBI stýrir starfseminni, þjónustu, mannauð og fjárhag. Hann ber ábyrgð á þeirri þjónustu sem undir hann heyrir, leiðir þróun og umbætur innan starfseminnar og stuðlar að framförum og árangri.

Helstu verkefni og ábyrgð

Hefur yfirsýn yfir þá þjónustu sem veitt er, deilir út verkefnum til starfsmanna og dreifir vinnuálagi á milli þeirra.
Hefur eftirlit með því að öll framkvæmd sé í samræmi við ákvæði laga, reglugerða, reglna og samþykkta Akureyrarbæjar.
Metur stöðu og getu umsækjenda um vinnu og virkni í samstarfi við deildarstjóra.
Skipuleggur þjónustu við notendur og gerir virkni- og vinnusamninga við notendur og einstaklingsáætlun í samráði við deildarstjóra og ber ábyrgð á að þeim sé fylgt eftir.
Vinnur að þróun þjónustunnar út frá þörfum hverju sinn.
Hefur forystu um þróunarverkefni, fræðslu og faglega umræðu.
Annast gerð fjárhagsáætlunar í samstarfi við rekstrarstjóra.
Setur fram starfsáætlun og veitir verkefnum hennar eftirfylgni.
Sinnir reglulegu fjárhagslegu eftirliti varðandi útgjaldaliði þjónustunnar.
Sinnir mannauðsstjórnun í samræmi við mannauðsstefnu, starfsmannaferli, verkferla og leiðbeiningar þar að lútandi.
Heldur utan um upplýsingar og gögn sem varða starfsemina og/eða verða til í starfseminni og miðlar upplýsingum um starfsemina til yfirmanna og samstarfsaðila.

Menntunar- og hæfniskröfur

Starfsleyfi sem þroskaþjálfi, iðjuþjálfi eða sambærileg háskólamenntunun sem nýtist í starfi.
Starfið krefst 3 - 5 ára reynslu af starfi í málaflokki fatlaðra.
Þekking á lögum og reglugerðum um málaflokkinn, s.s. lög um þjónustu við fatlað fólk með langvarandi stuðningsþarfir og lög um réttindagæslu.
Reynsla af skipulagningu, framkvæmd og eftirfylgni velferðarmála.
Reynsla af teymisstjórnun er kostur.
Þekking á árangursríkum leiðum mannauðsstjórnunar.
Áhugi og skilningur á þróun velferðarþjónustu og þjónustubreytingum.
Samskiptafærni, sjálfstæð vinnubrögð og frumkvæði.
Færni í ritun texta og framsetningu upplýsinga.
Góð almenn tölvufærni.
Drifkraftur og lausnamiðuð nálgun.
Góð íslenskukunnátta bæði í ræðu og riti ásamt enskukunnáttu.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Karólína Gunnarsdóttir sviðsstjóri velferðarsviðs í síma 460-1492 eða netfang [email protected]

Einungis er tekið á móti rafrænum umsóknum.

Umsóknarfrestur er til og með 30. janúar 2026.

Auglýsing birt16. janúar 2026

Umsóknarfrestur30. janúar 2026

Tungumálahæfni

Íslenska

Nauðsyn

Mjög góð

Staðsetning

Geislagata 9, 600 Akureyri

Starfstegund

Hæfni

ÁreiðanleikiÁætlanagerðDrifkrafturFagmennskaFrumkvæðiHugmyndaauðgiJákvæðniLeiðtogahæfniMannauðsstjórnunMannleg samskiptiMetnaðurSjálfstæð vinnubrögðSkipulagSveigjanleikiTeymisvinnaÞjónustulundÞolinmæðiÞroskaþjálfi

Starfsgreinar

Starfsmerkingar

Fleiri störf (7)

Þjónustu- og menningarsvið: Húsumsjónarmaður

Akureyri

Sumarstörf Velferðarsvið: Karlar í velferðarþjónustu

Akureyri

Naustaskóli: Kennari í hönnun og smíði

Akureyri

Naustaskóli: Íþróttakennari

Akureyri

Naustaskóli: Umsjónarkennari