Barna- og fjölskyldustofa

Barna- og fjölskyldustofa er leiðandi í þjónustu í þágu farsældar barna. Hjá stofnuninni starfa um 150 manns í fjölbreyttum störfum á starfsstöðvum á höfuðborgarsvæðinu, á Hellu og í Eyjafjarðarsveit. Stofnunin heyrir undir Barna- og menntamálaráðuneytið. Meginverkefni Barna- og fjölskyldustofu er að veita fræðslu, ráðgjöf og handleiðslu á sviði barnaverndar og samþættingar þjónustu í þágu farsældar barna. Stofnunin leggur mat á væntanlega fósturforeldra, heldur fósturforeldranámskeið ásamt því að veita fósturforeldrum ráðgjöf og stuðning. Veitir börnum, innan barnaverndar, þjónustu sem lýtur að sérhæfðum meðferðarúrræðum (Stuðlar, Lækjarbakki og Bjargey), fjölkerfameðferð MST og starfsemi Barnahúss. Auk þess leggur stofan áherslu á fræðilegar rannsóknir og stuðning við þróunar- og rannsóknarstarf ásamt uppsetningu og innleiðingu á samræmdum gagnagrunni í barnavernd á landsvísu. Meginmarkmið Barna- og fjölskyldustofu: • Veita framúrskarandi þjónustu í þágu farsældar barna með áherslu á gæðaþróun og stafrænar lausnir. • Vera í fararbroddi í fræðslu og leiðsögn við þá sem veita börnum og fjölskyldum þjónustu. • Veita fjölbreytt og sérhæfð úrræði fyrir börn byggð á gagnreyndum aðferðum. • Stofnunin búi yfir fjölbreyttum starfshóp sem er faglegur og kraftmikill.

Vinnustaðurinn

Forstöðumaður meðferðarheimilis á höfuðborgarsvæðinu

Barna- og fjölskyldustofa leitar að framsæknum leiðtoga sem hefur þekkingu á málefnum barna og hæfni til að leiða nýtt meðferðarheimili fyrir unglinga á Farsældartúni í Mosfellsbæ. Um er að ræða meðferðarheimili sem veitir börnum 12-18 ára sérhæfða meðferð og greiningu vegna alvarlegs hegðunar-, tilfinninga- og vímuefnavanda. Starfið heyrir undir framkvæmdastjóra meðferðarsviðs Barna- og fjölskyldustofu.

Helstu verkefni og ábyrgð

Dagleg stjórnun og rekstur meðferðarheimilisins.

Ábyrgð á framkvæmd á faglegu meðferðarstarfi á heimilinu.

Ábyrgð á þróun meðferðarstarfs innan heimilisins í samráði við framkvæmdastjóra meðferðarsviðs Barna- og fjölskyldustofu.

Ábyrgð á samskiptum meðferðarheimilisins út á við og samstarfi við barnaverndarþjónustu og aðra lykilaðila í meðferð fjölskyldu og barns.

Þátttaka í stefnumótun og nýsköpun innan stofnunarinnar.

Fer með mannaforráð.

Menntunar- og hæfniskröfur

Meistarapróf í sálfræði, félagsráðgjöf eða uppeldisfræði.

Reynsla af meðferðarstarfi með börnum með alvarlegan hegðunarvanda og fjölskyldum þeirra.

Farsæl reynsla af stjórnun og rekstri er kostur.

Framúrskarandi hæfni í mannlegum samskiptum og geta og vilji til að hvetja aðra til árangurs.

Skipulagshæfileikar og geta til að hafa yfirsýn og umsjón með verkefnum.

Frumkvæði og sjálfstæði í vinnubrögðum.

Góð færni til tjáningar í ræðu og riti á íslensku og ensku er nauðsynleg, önnur tungumálakunnátta er kostur.

Fríðindi í starfi

Samgöngustyrkur

Líkamsræktarstyrkur

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að viðkomandi geti hafið störf sem fyrst. Við úrvinnslu umsókna um störfin gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofnunin aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur öll til að sækja um, óháð kyni.

Með umsóknum skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfniskröfur sem gerðar eru. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.

Starfshlutfall er 100%

Umsóknarfrestur er til og með 18. október 2024.

Nánari upplýsingar veitir: Funi Sigurðsson, Framkvæmdastjóri meðferðarsviðs. Funi.Sigurdsson@bofs.is, s. 530-2600

Auglýsing birt8. október 2024

Umsóknarfrestur18. október 2024

Tungumálahæfni