Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Forstöðumaður kennslusviðs

Háskólinn í Reykjavík leitar að metnaðarfullum og drífandi einstaklingi í stöðu forstöðumanns kennslusviðs. Hlutverk kennslusviðs er að leiða þróun kennslumála við háskólann, móta og taka þátt í að framfylgja kennslustefnu HR, veita stuðning við kennslu og hafa eftirlit með gæðum náms. Þá ber kennslusvið ábyrgð á stundatöflu- og próftöflugerð, skráningum nemenda, prófahaldi og umsjón með brautskráningarskírteinum nemenda.

Helstu verkefni og ábyrgð

Mótun, þróun og eftirfylgni kennslustefnu í samvinnu við yfirstjórn HR og námsráð.

Dagleg stjórnun kennslusviðs, verkefnastýring, fjármál og starfsmannahald.

Framþróun kennsluhátta, mælingar og eftirlit með gæðum náms við HR, mótun og þróun almennra gæðaviðmiða, samræming verklags vegna gæðaúttekta og eftirfylgd gæðamælikvarða.

Ábyrgð á kennslu,- stundatöflu- og prófakerfum og þátttaka í stafrænni þróun.

Ábyrgð á skipulagi, mati á námi, innritun, prófum og brautskráningu nemenda.

Samskipti og upplýsingamiðlun til kennara, stjórnenda og starfsfólks háskólans varðandi kennslu- og skipulagsmál.

Samstarf við aðila innan og utan skólans vegna málefna er tengjast kennslu, svo sem tölulegra upplýsinga, viðurkenninga námsbrauta, vottana og úttekta.

Menntunar- og hæfniskröfur

Háskólanám sem nýtist í starfi, meistaragráða er kostur.

Menntun á sviði kennslufræði, stjórnunar, verkefnastjórnunar, gæðastjórnunar og sambærileg menntun einnig kostur.

Reynsla af stjórnun æskileg.

Áhugi á upplýsingatækni og rafrænum kennsluháttum nauðsynleg.

Þekking á háskólaumhverfi og kennslukerfum kostur.

Haldbær reynsla og/eða þekking á sviði kennslufræða og gæðamála kostur.

Reynsla af kennslu á háskólastigi er kostur.

Færni í greiningu og túlkun tölfræðilegra gagna kostur.

Frumkvæði, skipulagshæfileikar, sjálfstæði í störfum og góð hæfni í samskiptum.

Gott vald á íslensku og ensku.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu og upplýsingar um árangur sem viðkomandi hefur náð og telur að nýtist í starfi.

Umsóknarfrestur er til og með 9. október 2022 Nánari upplýsingar um starfið veita Bryndís Björk Ásgeirsdóttir sviðsforseti, bryndis@ru.is og Ester Gústavsdóttir mannauðsstjóri, esterg@ru.is. Farið er með allar fyrirspurnir og umsóknir sem trúnaðarmál.

HR Í HNOTSKURN

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 250 talsins, auk 350 stundakennara.

Auglýsing stofnuð20. september 2022

Umsóknarfrestur9. október 2022

Starfstegund

Staðsetning

Menntasveigur 1, 101 Reykjavík

Starfsgreinar

Starfsmerkingar

Fleiri störf (4)

Verkefnastjóri í þriggja ára rannsóknarverkefni við Sálfræði

Háskólinn í Reykjavík

Specialist who has aspirations of becoming a Ph.D. student

Háskólinn í Reykjavík