Kópavogsbær

Kópavogur er næststærsta sveitarfélag landsins með tæplega 38 þúsund íbúa. Nafn bæjarins er dregið af jörðinni Kópavogi sem ríkissjóður átti í byrjun síðustu aldar og leigði út ásamt annarri jörð Digranesi í nágrenni hennar. Kópavogshreppur var stofnaður í byrjun árs 1948 og voru íbúar þá rúmlega 900. Hreppurinn óx hratt og voru íbúar orðnir 3.783 þegar Kópavogur hlaut kaupstaðarréttindi 11. maí árið 1955. Í Kópavogi er mikil og fjölbreytt atvinnustarfsemi. Mest er um iðnað, þjónustu og verslun af ýmsu tagi og má geta þess að Smáralind er stærsta verslunarmiðstöð landsins. Í bænum eru fjölbreytt tækifæri til útivistar og aðstaða til íþróttaiðkunar er með því besta sem þekkist. Þá eru Kópavogsbúar afar stoltir af menningarstofnunum sínum á Borgarholtinu, svo sem Salnum, Gerðarsafni, Náttúrufræðistofu Kópavogs, Tónlistarsafni Íslands og Molanum, ungmennahúsi Kópavogs.

Vinnustaðurinn

Forstöðumaður íbúðakjarna í Kópavogi

Velferðarsvið Kópavogs auglýsir eftir forstöðumanni í íbúðakjarna fyrir fólk með fötlun, auk utankjarna stoðþjónustu. Markmið þjónustu við fatlað fólk hjá Kópavogsbæ er að veita persónulegan stuðning og einstaklingsmiðaða og sveigjanlega þjónustu sem skal tryggja fötluðu fólki jafnrétti og sambærileg lífskjör á við aðra íbúa bæjarins.

Starf forstöðumanns lýtur að því að annast um og bera ábyrgð á daglegum rekstri þjónustunnar, þróun innra starfs, starfsmannamálum og samskiptum við aðstandendur og samstarfsstofnanir. Við leitum að einstaklingi sem hefur metnað og áhuga til að leiða starfsemina og vinna eftir þeim meginhugmyndum sem birtast í lögum um þjónustu við fatlað fólk með langvarandi stuðningsþarfir, lögum um félagsþjónustu sveitarfélaga og mannréttindasáttmálum sem Ísland er aðili að. Starfið krefst mikils sjálfstæðis, frumkvæðis og hæfni til að byggja upp sterka liðsheild.

Helstu verkefni og ábyrgð

Ber ábyrgð á daglegum rekstri og skipulagningu á starfseminni.

Ber ábyrgð á að rekstur sé í samræmi við fjárhagsáætlun.

Stýrir faglegu starfi og þróar innra starf í samræmi við stefnu bæjarins.

Sér um starfsmannamál og skipulag vakta.

Vinnur að gerð þjónustuáætlana og annast samskipti við aðstandendur og aðra aðila um málefni íbúanna.

Menntunar- og hæfniskröfur

Háskólamenntun (BA/BS) á sviði heilbrigðis- og/eða félagsvísinda.

Framhaldsmenntun á háskólastigi sem nýtist í starfi og/eða mikil starfs- og stjórnunarreynsla í málefnum fatlaðs fólks.

Góð hæfni í mannlegum samskiptum, sjálfstæði, ábyrgðarkennd og frumkvæði.

Laun eru samkvæmt kjarasamningi viðkomandi stéttarfélags og Sambands íslenskra sveitarfélaga.

Nánari upplýsingar veita Jón Kristján Rögnvaldsson, skrifstofustjóri starfsstöðva og þróunar og Þóranna Hrönn Þórsdóttir, mannauðsráðgjafi velferðarsviðs í s. 441-0000.

Allir einstaklingar sem ráðnir eru til starfa á velferðarsvið Kópavogsbæjar þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Tekið er mið af jafnréttisstefnu Kópavogsbæjar við ráðningar.

Umsóknarfrestur er til og með 4. júní 2023.

Einungis er hægt sækja um starfið á Alfreð.

Auglýsing stofnuð11. maí 2023

Umsóknarfrestur4. júní 2023

Starfstegund

Staðsetning

Hörðukór 2, 203 Kópavogur

Hæfni