Laus störf Hæfnileit Vinnustaðir Námskeið

Heilsugæsla Höfuðborgarsvæðisins

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu. Einnig sjáum við um sérþjónustustöðvarnar: Heimahjúkrun í Hafnarfirði, Garðabæ, Kópavogi og Mosfellsumdæmi, Geðheilsumiðstöð barna, Göngudeild sóttvarna, Geðheilsuteymi HH austur, Geðheilsuteymi HH vestur, Geðheilsuteymi HH suður, Geðheilsuteymi Taugaþroskaraskanna, Geðheilsuteymi fangelsa, Geðheilsuteymi ADHD fullorðinna, Samhæfingastöð krabbameinsskimanna, Upplýsingamiðstöð, Þróunarmiðstöð íslenskrar heilsugæslu auk stoðþjónustu á skrifstofu. Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar. Heilsugæsla höfuðborgarsvæðisins hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín. Starfsfólk heilsugæslunnar vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan byggir á sérþekkingu og víðtæku þverfaglegu samstarfi.

Vinnustaðurinn

Forstöðumaður Heyrnar og talmeinastöðvar HH

Heilsugæsla höfuðborgarsvæðisins (HH) leitar að faglegum og metnaðarfullum leiðtoga til að leiða og þróa starfsemi Heyrnar og talmeinastöðvar. Um er að ræða ábyrgðarmikið og krefjandi starf sem reynir á frumkvæði, stefnumótandi hugsun og samskiptahæfileika. Áhersla er lögð á að skapa árangursdrifið og hvetjandi starfsumhverfi þar sem starfsfólk teymisins fær að blómstra og skila framúrskarandi árangri.

Heyrnar og talmeinastöð annast þjónustu við heyrnarlausa, heyrnarskerta og þá sem eru með heyrnar- og talmein. Sinnir heyrnarmælingum, greiningum og meðferð á heyrnar- og talmeinum. Veitir faglega ráðgjöf og annast þjálfun og endurhæfingu heyrnarlausra, heyrnarskertra og þeirra sem eru með heyrnar- og talmein. Sinnir forvörnum í samvinnu við aðrar stofnanir ásamt því að stunda rannsóknir og sinna fræðslu á sínu starfssviði.

Forstöðumaður heyrir undir forstjóra Heilsugæslu höfuðborgarsvæðisins og ber ábyrgð á rekstri í samræmi við skipulag heilsugæslunnar.

Um er að ræða 100% ótímabundið starf og æskilegt er að viðkomandi geti hafið störf 1. júní eða eftir samkomulagi.

Helstu verkefni og ábyrgð

Ber ábyrgð á rekstri og faglegri stjórnun Heyrnar og talmeinastöðvar HH
Annast áætlanagerð og tryggir hagkvæma nýtingu aðfanga
Stuðlar að samvinnu og tengslum milli fagaðila innan og utan HH
Er leiðandi í að samræma og efla gæði þjónustunnar á landsvísu
Tekur þátt í stefnumótun, ber ábyrgð á þróun og samhæfingu gæða- og árangursvísa er varða starfsemina
Tryggir þróun verkferla og klínískra leiðbeininga á sviði heyrnar- og talmeinafræðiþjónustu heilsugæslunnar
Þróar og innleiðir nýjungar á sviði heyrnar- og talmeinafræðiþjónustu innan HH
Stuðlar að jákvæðri vinnustaðamenningu og árangursríku teymisstarfi

Menntunar- og hæfniskröfur

Háskólapróf sem nýtist í starfi, meistaranám kostur
Starfsreynsla og þekking á málefni heyrnar- og talmeinafræði, fötlunarfræði eða á samsvarandi sviði kostur
Þekking, reynsla og hæfni á stjórnun og rekstri
Leiðtogahæfni og metnaður til að ná árangri í starfi
Hæfni og áhugi til að leiða þverfaglegt teymi
Frumkvæði, skipulagshæfni og jákvætt viðmót
Framúrskarandi hæfni í mannlegum samskiptum
Góð almenn tölvuþekking
Góð hæfni til tjáningar í ræðu og riti á íslensku og ensku