Skagafjörður

Skagafjörður er sveitarfélag á Norðurlandi vestra með ríflega 4.400 íbúa. Skagafjörður er öflugt framleiðsluhérað og eru matvælaframleiðsla, landbúnaður og sjávarútvegur grunnstoðir atvinnulífsins. Hér er öflugt og framsækið skólasamfélag sem býður upp á nám á öllum skólastigum, frá leikskóla til háskóla. Fjölbreytileiki náttúru Skagafjarðar gerir staðinn að ákjósanlegum stað til að stunda útivist og njóta náttúrurunnar. Mikið og öflugt íþróttalíf er í Skagafirði og er öll íþróttaaðstaða til fyrirmyndar. Lagt er upp með að börn geti stundað sínar íþróttir í beinu framhaldi af skólanum og eru íþróttamannvirki í stuttu göngufæri. Þéttbýliskjarnar eru Sauðárkrókur, Hofsós, Hólar í Hjaltadal og Varmahlíð. Vísir er að þéttbýliskjarna á Steinsstöðum.

Vinnustaðurinn

FORSTÖÐUMAÐUR FRAMKVÆMDA

Veitu- og framkvæmdasvið sveitarfélagsins Skagafjarðar óskar eftir að ráða metnaðarfullan einstakling í starf forstöðumanns framkvæmda.

Um nýtt starf er að ræða sem heyrir beint undir sviðsstjóra veitu- og framkvæmdasviðs. Forstöðumaður mun hafa umsjón með nýframkvæmdum, gatnagerð og stærri viðhaldsframkvæmdum ásamt því að hafa yfirumsjón með fráveitum í sveitarfélaginu.

Forstöðumaður er millistjórnandi og mun garðyrkjudeild, þjónustumiðstöð, eignasjóður og

umhverfis- og landbúnaðarfulltrúi heyra undir hann.

Um 100% starf er að ræða og er æskilegt að viðkomandi geti hafið störf sem fyrst.

Helstu verkefni og ábyrgð

Umsjón með framkvæmdum og viðhaldi á eignum sveitarfélagsins, m.a. fasteignum, fráveitu og gatnakerfi í samráði við sviðsstjóra.
Upplýsingaöflun og miðlun, ráðgjöf, skýrslugerð og úttektir.
Uppbygging á upplýsingakerfum og gagnagrunnum sveitarfélagsins.
Eftirfylgni fjárhagsáætlana.
Uppgjör verka og samþykkt reikninga.

Menntunar- og hæfniskröfur

Háskólamenntun sem nýtist í starfi, s.s. í verk-, bygginga- eða tæknifræði.
Framhaldsmenntun á háskólastigi sem nýtist í starfi eða víðtæk stjórnunar- og/eða rekstrar reynsla.
Þekking á opinberri stjórnsýslu.
Reynsla af fráveitu og verklegum framkvæmdum.
Reynsla á sviði reksturs og mannaforráða.
Leiðtogahæfileikar og framúrskarandi samstarfs- og samskiptahæfni.
Frumkvæði, sjálfstæði, fagmennska, skipulagshæfni og nákvæmni.
Góð almenn tölvukunnátta og hæfni til að tileinka sér tækninýjungar.
Gott vald á íslensku í ræðu og riti.
Almenn ökuréttindi.
Hreint sakavottorð.

Umsóknarfrestur er til og með 17. febrúar 2025

Sótt er um á www.mognum.is

Með umsókn þarf að fylgja með ítarleg ferilskrá auk kynningarbréfs þar sem gerð er grein fyrir ástæðu umsóknar og rökstuðningur fyrir hæfni umsækjanda.

Áhugasamir einstaklingar, óháð kyni, eru hvattir til að sækja um.

Öllum umsóknum verður svarað þegar ákvörðun um ráðningu hefur verið tekin.

Launakjör eru samkvæmt kjarasamningum Sambands íslenskra sveitarfélaga við Verkfræðingafélag Íslands.

Nánari upplýsingar veitir Sigríður Ólafsdóttir, [email protected]

Auglýsing birt27. janúar 2025

Umsóknarfrestur17. febrúar 2025

Tungumálahæfni

Íslenska

Nauðsyn

Mjög góð

Staðsetning

Skagfirðingabraut 17-21, 550 Sauðárkrókur

Starfstegund

Hæfni

Almenn tæknikunnáttaByggingafræðingurFrumkvæðiHreint sakavottorðLeiðtogahæfniMannleg samskiptiNýjungagirniÖkuréttindiSjálfstæð vinnubrögðSkipulagSkýrslurTeymisvinnaTæknifræðingurVandvirkniVerkfræðingur

Starfsgreinar

Starfsmerkingar

Sambærileg störf (11)