Forseti Heilbrigðisvísindasviðs
Háskóli Íslands leitar að öflugum leiðtoga fyrir Heilbrigðisvísindasvið sem er eitt af fimm fræðasviðum háskólans. Forseti Heilbrigðisvísindasviðs starfar í umboði rektors. Hann er æðsti yfirmaður og akademískur leiðtogi fræðasviðsins og stjórnar daglegri starfsemi þess. Með forseta fræðasviðs starfar öflugt teymi stjórnenda og sérfræðinga.
Ráðið verður í starfið til fimm ára frá 1. júlí 2022. Á grundvelli laga nr. 85/2008 um opinbera háskóla og reglur sem háskólaráð hefur sett getur rektor ákveðið að framlengja ráðningu forseta fræðasviðs til fimm ára í senn. Forseti fræðasviðs er ráðinn af rektor að fenginni umsögn sérstakrar nefndar um ráðninguna.
Helstu verkefni og ábyrgð
- Stjórnun, útfærsla og framkvæmd stefnu Háskóla Íslands, HÍ26, á vettvangi fræðasviðs
- Fjármál og rekstur fræðasviðs og stofnana sem undir það heyra
- Gæði kennslu, rannsókna og þjónustu
- Starfsmannamál
- Stuðla að og styðja við öfluga liðsheild og faglegt samstarf
- Tengsl við innlenda og erlenda samstarfsaðila
- Stjórnsýsla og stoðþjónusta fræðasviðsins
Hæfniskröfur
- Dósentshæfi skv. formlegu mati
- Þekking og reynsla á alþjóðlegu háskólaumhverfi
- Leiðtogahæfileikar
- Metnaðarfull og skýr framtíðarsýn
- Rík samskiptahæfni
- Farsæl reynsla af stjórnun og stefnumótun
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Með umsókn þarf að fylgja greinargerð um framtíðarsýn umsækjanda og hvernig hann hyggst vinna samkvæmt stefnu HÍ 2021-2026.
Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin.
Við ráðningu í störf við HÍ er tekið mið af jafnréttisáætlun skólans: hi.is/haskolinn/jafnrettisaaetlun#markmid2.
Vakin er athygli á málstefnu HÍ: hi.is/haskolinn/malstefna_haskola_islands.
Starfshlutfall er 100%
Umsóknarfrestur er til og með 07.02.2022
Nánari upplýsingar veitir Ragnhildur Ísaksdóttir - [email protected] - 525 4355
