Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Forritari í þróunarhóp á upplýsingatæknisviði

Háskólinn í Reykjavík auglýsir eftir forritara/hugbúnaðarsérfræðingi sem einnig hefur sterkan bakgrunn í uppbyggingu á gagnaumhverfum og samþættingum. Um er að ræða fullt starf í þróunarhóp á upplýsingatæknisviði háskólans. Hlutverk þróunarhóps er að þróa og innleiða hugbúnaðarlausnir sem styðja við meginferla skólans. Í boði er spennandi starf í metnaðarfullu og lifandi háskólaumhverfi með ýmsum tækifærum til náms og persónulegrar þróunar. Viðkomandi mun sinna verkefnum þar sem leitast er við að byggja skilvirkar lausnir með þeirri tækni sem hentar best hverju sinni. Við leitum að aðila sem bæði hefur reynslu af almennri hugbúnaðarþróun sem og á sviði gagnaforritunar og greininga. Viðkomandi mun þannig koma að verkefnum sem eiga sér rætur bæði í almennum kerfum skólans, samþættingu þeirra í milli sem og í gagna- og greiningarumhverfum.

STARFSSVIÐ:

Greining á þörfum, tæknilegum kröfum og hönnun hugbúnaðar- og gagnalausna sem styðja við vinnuferla háskólans
Forritun á lausnum, uppbygging á gagnaskilum (API) og hönnun/útfærsla á samþættingu milli kerfa
Þátttaka í forritun og uppbygging á gagnaumhverfi skólans, þ.m.t. vöruhús gagna
Hönnun á högun (arkitektúr) kerfa, gagna og samþættingar umhverfum skólans
Þátttaka í þróun upplýsingatækni innan HR

MENNTUNAR- OG HÆFNISKRÖFUR:

Háskólapróf í tölvunarfræði eða öðru sambærilegu raungreinanámi
Umtalsverð starfsreynsla af flóknum tækniumhverfum
Þekking og/eða reynsla af eftirfarandi: C#, SQL, ReactJS, REST API og MSMQ
Þekking og reynsla af MS SQL Server, SSIS, MS Fabric og Power BI æskileg
Færni í þarfagreiningu og reynsla af Scrum/Kanban aðferðarfræði
Skipulagshæfni og sjálfstæð vinnubrögð
Frumkvæði, metnaður og sveigjanleiki
Góð íslensku- og enskukunnátta

Umsóknarfrestur er til og með 25. mars 2025.

Með umsókn skal fylgja ferilskrá og kynningarbréf. Háskólinn í Reykjavík hvetur öll kyn til að sækja um. Einungis er tekið við umsóknum í gegnum umsóknarkerfið. Nánari upplýsingar veita Kristján H Hákonarson forstöðumaður upplýsingatækni, [email protected] og mannauðsdeild, [email protected]. Farið er með allar fyrirspurnir og umsóknir sem trúnaðarmál.

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 300 talsins, auk 350 stundakennara.

Auglýsing birt14. mars 2025

Umsóknarfrestur25. mars 2025

Tungumálahæfni