Laus störf Hæfnileit Vinnustaðir Námskeið

Norlandair

Norlandair var stofnað 1. júní 2008 og tók þá við rekstri Twin Otter flugvéla sem áður voru í eigu Flugfélags Íslands. Í dag rekur Norlandair þrjá Twin Otter og þrjár Beechcraft King Air flugvélar. Norlandair flýgur áætlunarflug frá Akureyri til Vopnafjarðar, Þórshafnar, Grímseyjar og Nerlerit Inaat. Frá Reykjavík til Bíldudals, Gjögurs og Nerlerit Inaat. Norlandair sinnir einnig sjúkraflugi sem og leiguflugsverkefnum á Grænlandi og hér heima.

Vinnustaðurinn

Flugvirki

Norlandair leitar eftir öflugum og metnaðarfullum aðila í starf flugvirkja hjá Part-145 viðhaldsverkstæði félagsins á Akureyri. Ráðið verður í fleiri en eina stöðu.

Starfið er fjölbreytt og felur í sér viðhald, bilanagreiningu og viðgerðir á loftförum í samræmi við gildandi reglur, viðhaldsgögn og verklag verkstæðisins. Við leitum að einstaklingi sem hefur faglegan metnað, vinnur vel bæði sjálfstætt og með öðrum og leggur ríka áherslu á öryggi og vönduð vinnubrögð.

Helstu verkefni og ábyrgð

Reglubundið og óreglubundið viðhald loftfara
Bilanagreining og viðgerðir
Framkvæmd skoðana og viðhalds samkvæmt samþykktum viðhaldsgögnum
Skráning og frágangur viðhaldsgagna
Þátttaka í úrlausn tæknilegra mála
Samstarf við aðra flugvirkja, tæknistjóra og aðra starfsmenn verkstæðisins
Stuðla að öruggum, faglegum og skilvirkum vinnubrögðum

Menntunar- og hæfniskröfur

Gilt EASA Part-66 flugvirkjaskírteini
Reynsla af viðhaldi loftfara og góðan skilning á þeim kröfum og verklagi sem gilda um viðhald í Part-145 umhverfi
Geta til að vinna sjálfstætt eftir viðhaldsgögnum, verklagsreglum og tæknilegum leiðbeiningum
Góð hæfni til bilanagreiningar og úrlausnar tæknilegra verkefna
Fagleg vinnubrögð, öryggisvitund og gæðamiðað hugarfar
Rík færni til samskipta og samstarfs
Góð íslensku- og enskukunnáttu í töluðu og rituðu máli og geta til að vinna með tæknileg gögn á ensku

Góð laun og starfskjör í boði fyrir réttan aðila.

Starfið felur mögulega í sér vakta-, varavakt og útkallsskyldu sem og leiðangursvinnu á austurströnd Grænlands.

Umsóknarfrestur er til og með 10. september 2026

Sótt er um á www.mognum.is

Með umsókn þarf að fylgja með ítarleg ferilsskrá auk kynningarbréfs þar sem gerð er grein fyrir ástæðu umsóknar og rökstuðningur fyrir hæfni umsækjanda.

Nánari upplýsingar veita: Sigríður Ólafsdóttir; [email protected] og Telma Eiðsdóttir; [email protected]

Viðhaldsverkstæði Norlandair er Arctic Maintenance sem var stofnað til að veita alhliða þjónustu fyrir flugfélög og eigendur loftfara á Akureyri og víðs vega um Ísland.

Arctic Maintenance var stofnað af þremur fyrrverandi starfsmönnum Air Iceland á Akureyri og er núna að fullu í eigu Norlandair.

Starfsmannahópurinn samanstendur af afar metnaðarfullum fagmönnum með margra ára sameiginlega reynslu úr flugiðnaðinum.

Auglýsing birt21. ágúst 2026

Umsóknarfrestur10. september 2026

Tungumálahæfni