Laus störf Hæfnileit Vinnustaðir Námskeið

Þjónustustöð Mosfellsbæjar

Þjónustustöð Mosfellsbæjar sér um alla almenna þjónustu við bæjarbúa á sviði tækni- og umhverfismála, svo sem snjóruðning, viðhald og rekstur gatna, holræsa, veitna, umferðarmannvirkja og opinna svæða. Þjónustustöð sér einnig um viðhald á fasteignum bæjarins auk rekstur stærri tækja og bíla. Undir starfsemi Mosfellsveitna heyra þau verkefni sem snúa að málefnum vatnsveitu, fráveitu og hitaveitu innan Mosfellsbæjar. Verkefnin eru eins fjölbreytt og þau eru mörg og snúa meðal annars að nýlögnum heimæða hita- og vatnsveitu ásamt almennu eftirliti, viðhaldi og endurnýjun veitumannvirkja.

Vinnustaðurinn

Flokkstjóri í garðyrkjudeild

Flokkstjóri í garðyrkjudeild Mosfellsbæjar.

Í þjónustustöð og garðyrkjudeild Mosfellsbæjar eru ýmiss fjölbreytt og skemmtileg verkefni. Á meðal verkefna er hreinsun og viðhald opinna svæða. Hreinsun skóla- og leikskólalóða, skipulag og plöntun sumarblóma, trjáa og runna, grassláttur og önnur tilfallandi verkefni eins og málun og hreinsun niðurfalla, sorphirða og þjónusta við íbúa og stofnanir bæjarins.

Um er að ræða 100% starf á tímabilinu 18.maí - 20.ágúst 2026.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Helstu verkefni og ábyrgð

Skipuleggur verkefni í samráði við yfirmenn garðyrkjudeildar
Umsjón með viðhaldi verkfæra og að þau séu í lagi
Gætir þess að öryggisatriði séu í lagi, bæði hvað varðar tækjabúnað og útbúnað vinnuflokks (persónuhlífar, endurskinsfatnað og fleira).
Stjórnar vinnuhópi á vettvangi
Leiðbeinir um rétt vinnubrögð og hvetur hópinn til góðra verka.

Menntunar- og hæfniskröfur

Umsækjendur skulu vera 20 ára og eldri
Áhugi á garðyrkjustörfum og að vinna með ungu fólki er skilyrði
Reynsla af stjórnun og vinnu með ungu fólki er æskileg
Dugnaður, stundvísi og samviskusemi
Góð íslensku kunnátta er skilyrði
Þjónustulund og jákvæðni í starfi
Ökuréttindi skilyrði

Umsóknarfrestur er til og með 19. mars 2026

Umsóknir skulu innihalda starfsferilsskrá sem greinir frá reynslu, menntun og fyrri störfum ásamt nokkrum orðum af hverju þú telur þig hæfa/n í starfið. Nánari upplýsingar um starfið veitir Heiða Ágústsdóttir í tölvupósti [email protected]. Öllum umsóknum verður svarað. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Ráðið er í öll störf óháð kyni.

Auglýsing birt5. febrúar 2026

Umsóknarfrestur19. mars 2026

Tungumálahæfni