Laus störf Hæfnileit Vinnustaðir Námskeið

Kópavogsbær

Kópavogur er næststærsta sveitarfélag landsins með yfir 40.000 íbúa. Kópavogsbær er einn af stærstu vinnuveitendum landsins en hjá sveitarfélaginu starfa að jafnaði um 2.700 einstaklingar á fjölbreyttum starfstöðum um allan bæ. Starfsfólki fjölgar um tæplega 2.000 manns á sumrin þegar sumastarfsmenn mæta til starfa og Vinnuskólinn hefur störf. Starfsfólk Kópavogsbæjar sinnir margvíslegum verkefnum sem miða að því að veita íbúum bæjarins sem allra bestu þjónustu og tryggja velferð þeirra um leið. Hjá Kópavogsbæ eru þrjú fagsvið, menntasvið, umhverfissvið og velferðarsvið og fjórar skrifstofur sem starfa þvert á sviðin, skrifstofa umbóta og þróunar, skrifstofa þjónustu, skrifstofa mannauðs- og kjaramála og skrifstofa áhættu- og fjárstýringar. Öll störf hjá bænum falla undir eitt af þessum sviðum eða skrifstofum. Mannauðsstefna Kópavogsbæjar byggir á gildum Kópavogs en þau eru framsækni, virðing, heiðarleiki og umhyggja. Kópavogsbær hefur það einnig að markmiði að vera vinnustaður þar sem öll hafa jöfn tækifæri í starfi. Hjá Kópavogsbæ er tekið mið af jafnréttisáætlun en hægt er að lesa sér til um bæði mannauðs- og jafnlaunastefnu bæjarins hér til hliðar. Starfsfólk Kópavogsbæjar hefur einnig fríðindi en fyrir starfsfólk er í boði að fá líkamsræktarstyrk, frítt í sund og víða er mötuneyti. Kópavogsbær hefur það að leiðarljósi að vera eftirsóknarverður vinnustaður sem styður við heilsu, öryggi og vellíðan starfsfólks. Lögð er áhersla á að taka vel á móti starfsfólki og veita því markvissa þjálfun þannig að það nái góðum tökum á starfinu og líði vel í vinnunni. Mikil áhersla er lögð á gott samstarf þvert á deildir og svið bæjarins, því saman myndar starfsfólk sterka heild þar sem markmiðið er að fjölbreytt þekking, hæfni og reynsla nýtist sem best. Kópavogsbær vill fá til liðs við sig öflugt og metnaðarfullt fólk sem er tilbúið að gera góðan bæ enn betri.

Vinnustaðurinn

Flokkstjórar sumarstarfa hjá Þjónustumiðstöð

Eftirfarandi stöður flokkstjóra í sumarstarfi eru lausar til umsóknar

Flokkstjóri við almenna þjónustu
Flokkstjóri stýrir vinnuhópi í almennri þjónustu. Helstu verkefni vinnuhópanna eru viðhald og umhirða gatna og stíga, hreinsun og fegrun bæjarins, hreinsun niðurfalla, ýmis málningarvinna og þökulagnir. Auk þeirra er ýmis þjónusta við bæjarstofnanir.
Flokkstjóri við garðyrkju
Flokkstjóri stýrir vinnuhópi í garðyrkju. Helstu verkefni vinnuhópanna eru umhirða gróðurs, beðahreinsun ásamt hreinsun og umhirðu stofnanalóða. Auk þeirra er ýmis þjónusta við bæjarstofnanir.
Flokkstjóri við skógrækt
Flokkstjóri stýrir vinnuhópi í skógrækt og uppgræðslu. Helstu verkefni vinnuhópanna eru skógræktar og uppgræðsluverkefni, í landi Kópavogs.

Ábyrgð flokkstjóra
Ætlast er til að flokkstjóri vinni með vinnuflokknum. Hann skal sjá um að tæki og verkfæri í umsjón hans og undirmanna hans séu ávallt í lagi og þrif og annað viðhald framkvæmt reglulega. Sérstaklega skal þess gætt að öryggisatriði séu ávallt í fullkomnu lagi, bæði hvað varðar tækjabúnað og útbúnað vinnuflokksins (persónuhlífar, endurskinsfatnað og fleira).

Flokkstjóri skal halda dagbók og skila vikulega vinnuskýrslum með verk- og starfsmannanúmerum fyrir sig og vinnuflokkinn sem undir hann heyrir.

Hæfniskröfur flokkstjóra
Umsækjendur skulu vera 20 ára eða eldri. Reynsla af stjórnun eða sambærilegum störfum æskileg.

Starfsemi Þjónustumiðstöðvar Kópavogsbæjar
Þjónustumiðstöð Kópavogs hefur umsjón með flestum verkefnum sem tengd eru framkvæmdum á bæjarlandi. Innan þjónustumiðstöðvar eru verkefni sem tengjast snjómokstri, garðyrkju, gatnaviðhaldi, vatns- og fráveitu, sorphirðumálum og önnur þjónusta við íbúa, fyrirtæki og stofnanir.

Frekari upplýsingar um starfið
Launakjör samkvæmt kjarasamningi Kópavogsbæjar og Eflingar.

Starfshlutfall 100%

Starfstímabil 18. maí - 14. ágúst

Nánari upplýsingar eru veittar á skrifstofu Þjónustumiðstöðvar í síma 441 9000

Auglýsing birt8. febrúar 2020

Umsóknarfrestur29. febrúar 2020

Tungumálahæfni

Engar sérstakar tungumálakröfur

Staðsetning

Askalind 5, 201 Kópavogur

Starfstegund

Starfsgreinar

Starfsmerkingar