ReykjavíkurAkademían ses.

ReykjavíkurAkademían ses er miðstöð rannsókna og nýsköpunar sjálfstætt starfandi fræðimanna.

Fjölbreytt skrifstofu- og þjónustustarf

Starfsmaður á skrifstofu ReykjavíkurAkademíunnar

ReykjavíkurAkademían óskar eftir að ráða ábyrgan, skipulagðan og lausnamiðaðan einstakling í fjölbreytt starf á skrifstofu stofnunarinnar. Um hlutastarf er að ræða (50%) en möguleiki er á fullu starfi í framtíðinni.

Helstu verkefni og ábyrgð

Samskipti og þjónusta við þau sem starfa í ReykjavíkurAkademíunni og við Félag ReykjavíkurAkademíunnar

Halda utan um félagatal og uppsetningu/skráningu til dæmis í gagnagrunna og kerfi stofnunarinnar

Aðstoða við reikningshald og söfnun upplýsinga um starfsemina

Sjá um pöntun á rekstrar- og skrifstofuvörum o.fl.

Umsjón með fundarherbergjum og með bókunum á fundarsal og fundarbúnaði

Gerð vinnuskema og umsjón með umgengni um kaffistofu

Halda utan um framkvæmd við viðburði á vegum stofnunarinnar

Reiðubúin(n) að taka að sér önnur tilfallandi verkefni

Menntunar- og hæfniskröfur

Menntun og reynsla sem nýtist í starfi

Skipulagshæfni og sjálfstæði í vinnubrögðum

Vera úrræðagóð(ur) og geta sýnt fram á frumkvæði í starfi

Rík þjónustulund, lipurð í samskiptum og lausnamiðaður hugsunarháttur

Almenn tölvukunnátta er skilyrði

Reglusemi og stundvísi

Góð íslenskukunnátta í ræðu og riti. Enskukunnátta er kostur

Áhugi eða þekking á starfssviði stofnunarinnar

Nánari upplýsingar um starfið veitir Anna Þorbjörg Þorgrímsdóttir framkvæmdastjóri, annath@akademia.is

Umsóknarfestur er til og með 15. mars næstkomandi og við hvetjum einstaklinga til að sækja um óháð kyni eða aldri. Æskilegt að viðkomandi geti hafið störf sem fyrst.

ReykjavíkurAkademían ses er miðstöð rannsókna og nýsköpunar fyrir fræðafólk sem starfar sjálfstætt. Þar starfar fræðafólk, fræða- og fagfélög og smáfyrirtæki að rannsóknum og miðlun. ReykjavíkurAkademían stendur fyrir fjölbreyttum viðburðum og miðlun þekkingar. Félag ReykjavíkurAkademíunnar er bakhjarl stofnunarinnar og þangað sækja félagar ýmsa þjónustu.

Auglýsing stofnuð5. mars 2023

Umsóknarfrestur15. mars 2023

Starfstegund

Staðsetning

Þórunnartún 2, 105 Reykjavík

Hæfni