Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Félagsráðgjafar í félagsráðgjafaþjónustu

Leitað er eftir áhugasömum og metnaðarfullum félagsráðgjöfum til starfa á Landspítala. Viðkomandi þurfa að búa yfir færni til að vinna að lausnum og hafa metnað til að veita framúrskarandi þjónustu.

Um er að ræða faglega krefjandi störf á spennandi vettvangi fyrir félagsráðgjafa sem hafa áhuga á nýsköpun og framþróun í starfi. Störfin eru við ólíkar einingar innan Landspítala.

Landspítali býður upp á góða aðlögun fyrir nýútskrifaða félagsráðgjafa sem og reyndari með markvissri handleiðslu og fræðslu. Á spítalanum eru fjölbreytt tækifæri til sí- og endurmenntunar.

Á Landspítala starfa um 50 félagsráðgjafar í þverfaglegum teymum sem sinna margþættri þjónustu við sjúklinga á ólíkum deildum. Landspítali er fjölskylduvænn vinnustaður og býður upp á heilsueflandi vinnuumhverfi, samgöngusamninga og 36 stunda vinnuviku.

Ráðning er frá 01.06.2025 eða eftir nánara samkomulagi.

Menntunar- og hæfniskröfur

Íslenskt starfsleyfi félagsráðgjafa

Áhugi á félagsráðgjöf á heilbrigðissviði

Góð samskiptafærni og hæfni til að vinna í teymi

Reynsla af vinnu með fjölskyldum er kostur

Reynsla og þekking á félagslegum úrræðum og samstarfi stofnana

Hugarfar þar sem leitast við að ná stöðugum árangri

Geta til að vinna undir álagi

Góð tölvufærni

Frumkvæði, framsýni og lausnamiðuð hugsun

Góð íslensku- og enskukunnátta

Helstu verkefni og ábyrgð

Aðstoða sjúklinga og aðstandendur við að leita félagslegra réttinda

Samvinna við aðrar stofnanir í heilbrigðis- og félagsþjónustu

Fræðsla til sjúklinga, aðstandenda, samstarfsfólks og starfsfólks annarra stofnana

Stuðningur við sjúklinga og aðstandendur við að takast á við breytingar sem verða í kjölfar veikinda

Þátttaka í þverfaglegri teymisvinnu

Þátttaka í þróunarverkefnum sem efla þjónustu við sjúklinga

Milliganga um samþættingu þjónustu í þágu farsældar barna samkvæmt lögum

Stuðlar að góðum starfsanda og menningu sálræns öryggis

Starfshlutfall: 60-100%

Laun samkvæmt gildandi kjarasamningi sem fjármála- og efnahagsráðherra og Félagsráðgjafafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Umsækjendur um störf á barnadeildum skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, félagsráðgjafi

Tungumálahæfni: íslenska 4/5 enska 3/5

Nánari upplýsingar

Gunnlaug Thorlacius, [email protected],

Félagsráðgjöf

Hringbraut

101 Reykjavík

Auglýsing birt21. mars 2025

Umsóknarfrestur7. apríl 2025

Tungumálahæfni

Íslenska

Nauðsyn

Mjög góð

Enska

Nauðsyn

Meðalhæfni

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)

Hjúkrunarfræðingur á göngudeild innkirtla- og gigtarsjúkdóma