Félagsleg liðveisla / einstaklingsstuðningur

Fjölskyldusvið Seltjarnarnesbæjar óskar eftir starfsfólki í félagslega liðveislu.

Markmið liðveislu/einstaklingsstuðnings er að veita aðstoð sem miðar að því að rjúfa félagslega einangrun og njóta tómstunda utan heimilis. Einnig að efla einstaklinga til sjálfshjálpar og veita persónulegan stuðning.

Hver einstaklingur sem á rétt á liðveislu/einstaklingsstuðningi, fær 12 - 16 klst. á mánuði sem eru útfærðar í samráði við liðveitanda. Hver liðveitandi getur sinnt 1- 3 einstaklingum í einu. Vinnutími er sveiganlegur og hentar því vel þeim sem stunda nám. Bíll til afnota í starfi er æskilegur. Um tímavinnu er að ræða.