Laus störf Hæfnileit Vinnustaðir Námskeið

Sensa ehf.

Sensa er alþjóðlegt þjónustufyrirtæki með starfsstöðvar í tólf löndum sem sérhæfir sig í fjölbreyttum lausnum í upplýsingatækni. Hjá Sensa starfar reynslumikill hópur sérfræðinga með hátt þekkingarstig. Við bjóðum upp á sveigjanlegt vinnuumhverfi þar sem reynt er að koma til móts við þarfir hvers og eins eftir bestu getu. Markmið Sensa er að vera ávallt í fararbroddi þar sem sterk liðsheild, hátt þekkingarstig og verðmæt viðskiptasambönd spila stórt hlutverk. Áhersla er lögð á að starfsfólk styrki sig í þekkingu og menntun með ýmsu móti og geti vaxið á eigin forsendum. Eigandi Sensa er norska fyrirtækið Crayon sem starfar í 46 löndum. Crayon býður ýmsar lausnir í upplýsingatækni og er Sensa virkur þátttakandi í þróun þeirra lausna og í þjónustu við fyrirtæki á alþjóðavettvangi.  

Vinnustaðurinn

Ertu Jira/Atlassian gúrú?

Hefur þú starfað við rekstur og/eða þjónustu Jira og Confluence og vilt takast á við nýjar áskoranir?

Við leitum að einstaklingi með mikla þekkingu á Atlassian svítunni. Sérþekking á Jira og Confluence er skilyrði og reynsla af Atlassian-svítunni í heild er stór plús.

Verkefnin eru fjölbreytt, krefjandi og skemmtileg og þú munt ganga til liðs við öflugan hóp Atlassian-sérfræðinga hjá Sensa. Meðal verkefna eru hönnun, uppsetning og innleiðing nýrra kerfa, sem og daglegur rekstur, ráðgjöf og áframhaldandi þróun lausna fyrir viðskiptavini.

Menntunar- og hæfniskröfur

Reynsla og þekking á Atlassian hugbúnaði skilyrði (Jira / Confluence)
Góð íslensku og ensku kunnátta er skilyrði
Prófgráða frá Atlassian er kostur
BI þekking er kostur
Jákvæðni og lipurð í samskiptum
Sjálfstæð og vönduð vinnubrögð

Fríðindi í starfi

Samgöngustyrkur fyrir þá sem kjósa annan ferðamáta en einkabílinn
Heilsueflingarstyrkur
Hjólageymsla, líkamsræktar- og sturtuaðstaða
Fyrsta flokks mötuneyti
Sveigjanlegur vinnutími og möguleikar á fjarvinnu

Sensa er leiðandi upplýsingatæknifyrirtæki þar sem sterk liðsheild, hátt þekkingarstig og framúrskarandi þjónusta er höfð að leiðarljósi. Starfsfólk er um 120 talsins. Mikil áhersla er lögð á velferð starfsmanna, góðan starfsanda og hvetjandi og skemmtilegt starfsumhverfi.  

Umsóknarfrestur er til og með 1. febrúar en unnið er úr umsóknum jafn óðum og þær berast.

Hjá Sensa leggjum við mikla áherslu á fjölbreytt vinnuumhverfi þar sem öll fá tækifæri til að njóta sín, óháð kyni, uppruna og bakgrunni.

Ef af ráðningu verður þarf umsækjandi að skila inn sakavottorði.

Jafnvel þótt þú uppfyllir ekki allar kröfur, hvetjum við öll sem hafa þekkingu og reynslu fyrir þetta starf til að sækja um.

Einungis er tekið á móti umsóknum í gegnum umsóknarkerfi Alfreðs.

Nánari upplýsingar um starfið veitir Jörundur Kristinsson, í gegnum netfangið: [email protected]

Auglýsing birt19. janúar 2026

Umsóknarfrestur1. febrúar 2026

Tungumálahæfni