Múrbúðin ehf.

Múrbúðin var stofnuð árið 2002 og hefur frá upphafi boðið uppá múrvörur og aðrar byggingarvörur á hagstæðu verði. Stefna Múrbúðarinnar er að bjóða gæða vörur á góðu verði fyrir alla, alltaf. Sá árangur hefur náðst með hagkvæmum innkaupum, lítilli yfirbygginu, lágri álagningu og góðu starfsfólki. Viðskiptavinir geta alltaf gengið að gæðum, góðu verði og góðri þjónustu sem vísu hjá Múrbúðinni. Útsölustaðir Múrbúðarinnar eru að Kletthálsi 7 í Reykjavík, Selhellu 6 í Hafnarfirði og Fuglavík 18 Reykjanesbæ. Múrbúðin býður upp á mikið úrval af byggingavörum t.d. múrefni, gólfefni, hreinlætistæki, málningu, verkfæri og aðrar byggingavörur. Múrbúðin er með rótgróin viðskiptasambönd við þekkta Evrópska framleiðendur á borð við Weber, Bostik, Murexin, BASF og Ceravid svo einhverjir séu nefndir. Múrbúðin - Gott verð fyrir alla - Alltaf!

Vinnustaðurinn

Ert þú öflugur liðsfélagi í Múrbúðina Kletthálsi 7?

Við leitum að öflugum liðsfélaga í Múrbúðina Kletthálsi 7

Ertu handlagin(n), lausnamiðuð(aður) og hefur gaman af kraftmiklu vinnuumhverfi? Viltu vera hluti af lifandi verslun sem þjónustar fagmenn og einstaklinga á öllum stigum framkvæmda?

Við hjá Múrbúðinni leitum að öflugum liðsfélaga í fjölbreytt og krefjandi starf í verslun okkar á Kletthálsi 7, 110 Reykjavík. Við leitum að aðila sem tekur af skarið, getur hlaupið hratt ef þarf – og vill gera hlutina vel. Um framtíðarstarf er að ræða.

Helstu verkefni og ábyrgð

Aðstoða viðskiptavini í verslun og afgreiðsla á kassa
Kynning á vörum og eiginleikum þeirra og hvernig þær nýtast til að leysa vandamál viðskiptavina
Móttaka vöru, frágangur og uppröðun í hillur
Umsjón með vörumerkingum og uppröðun í búð
Þátttaka í umbótum og nýsköpun innan verslunar
Sjá til þess að verslunin sé alltaf snyrtileg

Menntunar- og hæfniskröfur

Er drífandi og sjálfstæð(ur) – nennir ekki að bíða eftir fyrirmælum
Hefur góða samskiptahæfni og þjónustulund og hefur gaman af því að selja skemmtilegar vörur
Nýtur þess að vinna í teymi og vera „með í öllu“
Hefur grunnþekkingu á byggingarvörum og verkfærum – eða er viljug(ur) til að læra
Er líkamlega hraust(ur) og ekki hrædd(ur) við að lyfta eða hreyfa hluti
Er skipulög/skipulagður og vill hafa hlutina í röð og reglu
Stundvís og áreiðanleg(ur)
Iðnmenntun er kostur
Lyftarapróf er kostur