Neyðarlínan

Neyðarlínan ohf. var stofnuð í október 1995 og hóf neyðarsímsvörun í 112 1. janúar 1996. Rekstur neyðarnúmersins 112 og tengdrar þjónustu eru enn megin viðfangsefni fyrirtækisins. Auk þess annaðist Neyðarlínan rekstur stjórnstöðvar Securitas frá sama tíma og þar til í október 2008.

Vinnustaðurinn

Ert þú efni í góðan neyðarvörð?

Neyðarlínan óskar eftir að ráða neyðarverði til að annast svörun fyrir 112, greina erindi, leiðbeina og virkja viðeigandi viðbragðsaðila. Boðið er upp á krefjandi, ábyrgðarmikið en jafnframt gefandi framtíðarstarf. Unnið er á vöktum í sveigjanlegu vaktakerfi og í upphafi starfs fá neyðarverðir markvissa þjálfun í starfi.

Menntunar- og hæfniskröfur

Stúdentspróf eða sambærileg menntun
Fimm ára farsæl reynsla af almennum vinnumarkaði
Góð almenn tölvukunnátta og innsláttarhraði
Góð tök á íslensku og ensku. Kunnátta í öðrum tungumálum mikill kostur
Almenn þekking á landinu
Hreint sakavottorð

Persónulegir eiginleikar

Geta til að taka stjórn í erfiðum aðstæðum og halda skýrri hugsun undir álagi
Frumkvæði, sjálfstæði og áræðni í starfi
Góð greiningarhæfni
Ríkir samstarfshæfileikar og hæfni í mannlegum samskiptum
Þjónustulund, samviskusemi og sveigjanleiki
Aðlögunarhæfni

Umsóknarfrestur er til og með 28. mars 2025

Nánari upplýsingar veitir Hallveig Hafstað Haraldsdóttir, ráðgjafi Hagvangs, [email protected]

Hjá Neyðarlínunni starfar hópur af frábæru fólki með fjölbreyttan bakgrunn, þekkingu og reynslu sem er grunnurinn að starfsemi Neyðarlínunnar. Talsverð þróun hefur orðið á starfsemi 112, m.a. með opnun ofbeldisgáttar og netspjalls. Á komandi misserum heldur þróun næstu kynslóðar neyðarsvörunar áfram vegna stöðugra framfara á sviði neyðarþjónustu.

Neyðarlínan sér um neyðar- og öryggisþjónustu á Íslandi og starfrækir til þess 112, Vaktstöð siglinga og Tetra fjarskiptakerfið. Neyðarlínan vinnur í nánu samstarfi við lögreglu ásamt því að boða björgunar- og neyðarsveitir á öllu landinu og er tengiliður milli almennings og viðbragðsaðila.

Gildi Neyðarlínunnar eru hjálpsemi, viðbragðsflýtir og fagmennska, sem endurspeglar vel þá menningu og verklag sem tíðkast hjá Neyðarlínunni.

Auglýsing birt11. mars 2025

Umsóknarfrestur28. mars 2025

Tungumálahæfni