Eftirlitsfulltrúi í öryggisdeild

Yrkir óskar eftir að ráða eftirlitsfulltrúa í öryggisdeild fyrirtækisins. Um er að ræða fullt starf og almennur vinnutími er mánudaga til föstudaga frá 9 til 17. Yrkir er fasteignafélag í eigu Festi sem heldur utan um rekstur og þróun allra fasteigna í eigu samstæðunar ásamt því að sinna öryggismálum.

Helstu verkefni:

• Eftirlit með öryggismálum
• Greining og vinnsla gagna úr öryggismyndavélum
• Samskipti við verslanir og lögreglu vegna þjófnaðar og kærumála
• Auk annara tilfallandi verkefna

Hæfniskröfur:

• Góðir skipulagshæfileikar og færni í mannlegum samskiptum
• Frumkvæði og metnaður til að ná árangri í starfi
• Gott vald á íslensku og ensku í ræðu og riti
• Góð tölvukunnátta
• Bílpróf
• Hreint sakavottorð

Starfsfólki er veittur sveigjanleiki í starfi og lögð er áhersla á jafnvægi milli vinnu og einkalífs. Velferð starfsfólks er í fyrirrúmi og er ýmis konar heilsueflandi þjónusta í boði í velferðarpakka félagsins. Starfsfólk fær góð kjör á vörum og þjónustu hjá ELKO, Krónunni, Lyfju og N1.

Nánari upplýsingar veitir Hallvarður Hans Gylfason, forstöðumaður öryggisdeildar, [email protected].

Umsóknarfrestur er til og með 20. júlí 2025.