Efnisveitan - Runner / sölufulltrúi / sendifulltrúi

Efnisveitan leitar að öflugum aðila til að koma í hópinn og taka þátt í endurnýtingu og að lágmarka sóun. Í 9 ár hefur fyrirtækið sérhæft sig í að aðstoða fasteignafélög, stofnanir, veitingahús og einstaklinga að miðla notuðum búnaði til áframhaldandi nota. Síðasta verkefni okkar var t.d. flutningur hjá Icelandair til Hafnarfjarðar. Þar þurfti að finna nýjan samastað fyrir t.d. glerveggi, hurðir, skrifborð, stóla, skápa ásamt ýmsu öðru.

Við leitum að heilsuhrausum aðila sem getur gengið í hin margvíslegu verk, svo sem að að fara með vörur, ná í vörur, afhenda vörur í vöruhúsi, uppröðun á vörum í vöruhúsi/tiltekt sem og vera með okkur í að taka á móti viðskiptavinum í Skeifunni 7.

Viðkomandi þarf að hafa bílpróf(kostur að hafa keyrt beinskiptan sendibíl), reykja ekki eða veipar, vera útsjónarsamur og tilbúinn til að takast á við ný verkefni.

Fjölbreytt starf þar sem enginn dagur er eins.

Hjá Efnisveitunni starfa 6 manns. Fyrirtækið er staðsett í Skeifunni 7 Reykjavík og þjónustar um 100 fyrirtæki.
Nánar á : UM OKKUR | Efnisveitan