Dönskukennari í Smáraskóla
Smáraskóli leitar að dönskukennara á unglingastigi.
Í Smáraskóla er litið á hvern árgang sem eina heild þar sem teymi kennara vinna með nemendum.
Smáraskóli er heildstæður grunnskóli með um 515 nemendur og 80 starfsmenn. Unnið er samkvæmt uppeldisstefnunni Uppeldi til ábyrgðar, skólinn er heilsueflandi grunnskóli og verið er að vinna að því að Smárskóli verði réttindaskóli UNICEF.
Lögð er áhersla á skapandi skólastarf og samvinnu kennara og nemenda og er teymiskennsla það fyrirkomulag sem lagt er til grundvallar. Allir kennarar ásamt nemendum í 5. – 10. bekk eru með spjaldtölvur og mikil áhersla er lögð á einstaklingsmiðun náms og fjölbreytta kennsluhætti.
Smáraskóli er staðsettur í fallegu umhverfi í Kópavogsdalnum og miklir möguleikar eru til hreyfingar, útivistar og útikennslu í nágrenni skólans.
Menntun og mannrækt er leiðarljós í starfi Smáraskóla.
- Dönskukennsla á unglingastigi með umsjón.
- Samstarf við foreldra um nám og velferð nemenda.
- Samstarf innan skólans að faglegum málefnum.
- Kennaramenntun og réttindi til kennslu í grunnskóla.
- Góð dönskukunnátta
- Áhugi á teymiskennslu og þverfaglegu samstarfi.
- Einlægur áhugi á að vinna með börnum.
- Þolinmæði og framúrskarandi hæfni í mannlegum samskiptum.
- Frumkvæði og metnaður til að ná árangri í starfi.
- Góð íslenskukunnátta
Íslenska
