Laus störf Hæfnileit Vinnustaðir Námskeið

Stykkishólmsbær

Stykkishólmur hefur á síðustu árum orðið að einum vinsælasta áfanga- og áningarstað landsins. Þar kemur margt til, ef til vill vegur þar þungt metnaður bæjarbúa fyrir að varðveita umhverfi sitt og sögu svo komandi kynslóðir fái notið þeirra á sama hátt og við gerum nú. Sú hugsun endurspeglast hvað best í miðbæ Stykkishólms sem óhætt er að vísa til sem safns gamalla húsa. Stykkishólmsbær fékk Skipulagsverðlaunin 2008, sem veitt eru af Skipulagsfræðifélagi Íslands, fyrir deiliskipulag miðbæjar, stefnu og framfylgd hennar og eru bæjarbúar ákaflega stoltir og þakklátir fyrir þá viðurkenningu.

Vinnustaðurinn

Deildarstjóri við Tónlistarskóla

Deildarstjóri við Tónlistarskóla Stykkishólms

Deildarstjóri er hluti stjórnendateymis grunnskóla og tónlistarskóla bæjarins.

Leitað er að leiðtoga með mikinn metnað fyrir tónlistarmenntun barna og unglinga, sem hefur öfluga faglega sýn á skólastarfið, hlutverk og samvinnu stjórnendateymisins við skólana og uppbyggingu skólastarfsins sem hvetjandi starfsumhverfis fyrir nemendur og starfsfólk.

Mikilvægt er að viðkomandi sé opinn fyrir nýjungum í þróun skólans. Deildarstjóri er með kennsluskyldu.

Menntunar- og hæfniskröfur

Menntun tónlistarkennara (tónl.kenn. III skv. kjarasamn. FT/FÍH) eða meiri er æskileg

Æskilegt er að umsækjandi hafi færni og reynslu af gítarkennslu

Æskilegt er að umsækjandi hafi menntun og/eða reynslu sem snýr að skólaþróun, stjórnun, rekstri og stjórnsýslu tónlistarskóla

Færni á tölvur og spjaldtölvur nauðsynleg

Stjórnunarhæfileikar og leiðtogafærni, þ.m.t. hæfni til að leiða hóp og skapa hvetjandi starfsumhverfi fyrir nemendur og starfsfólk

Framúrskarandi hæfni í mannlegum samskiptum

Skýr framtíðarsýn í skólamálum og árangurs- og lausnamiðuð nálgun í starfi

Einlægur áhugi á metnaðarfullu skólastarfi, frumkvæði, fagmennska, skipulagshæfni

Helstu verkefni og ábyrgð

Að vera hluti stjórnendateymis grunnskóla og tónlistarskóla og taka þátt í því að stýra og bera ábyrgð á rekstri og daglegri starfsemi tónlistarskólans og veita honum faglega forystu á sviði tónlistarkennslu og þróunar

Kennsla við tónlistarskólann

Tekur sem hluti stjórnendateymis þátt í mannauðsstjórnun við tónlistarskólann með það að markmiði að byggja upp öfluga og árangursríka vinnustaðamenningu í skólanum

Tekur sem hluti stjórnendateymis þátt í samstarfi aðila skólasamfélagsins og mótun framtíðarsýnar

Þátttaka í forystu við að skapa hvetjandi umhverfi sem eflir áhuga nemenda og árangur

Ráðið verður í stöðuna frá og með 1. ágúst 2021. Launakjör eru samkvæmt kjarasamningi Sambands íslenskra sveitarfélaga og Félags kennara og stjórnenda í tónlistarskólum.

Í umsókn skal greina frá menntun, fyrri störfum, hæfni út frá hæfnikröfum starfsins og öðru því sem umsækjandi telur máli skipta og varpað getur ljósi á færni hans til að sinna stöðu deildarstjóra. Umsókninni skal fylgja kynningarbréf, ferilskrá og samantekt þar sem fram koma hugmyndir umsækjanda um skólastarfið og þróun þess.

Nánari upplýsingar um starfið veita:

Jakob Björgvin Jakobsson, bæjarstjóri, [email protected], S: 433 8100

Berglind Axelsdóttir, skólastjóri, [email protected], S. 895 3828

Stykkishólmur stendur við Breiðafjörð á norðanverðu Snæfellsnesi og er bæjarstæðið einstaklega fallegt. Um 1.200 manns búa í Stykkishólmi en bærinn er í um tveggja klukkustunda akstursfjarlægð frá höfuðborgarsvæðinu. Þjónustustig er gott í Stykkishólmi og státar bæjarfélagið að ríkulegu íþrótta- og tómstundastarfi fyrir fólk á öllum aldri og rótgrónum mennta- og menningarstofnunum.

Tónlistarskóli Stykkishólms hefur starfað óslitið frá 1964 og við hann starfar Lúðrasveit Stykkishólms sem stofnuð var 1944. Við skólann stunda um 100 nemendur nám. Gott samstarf er milli allra skólastiga í Stykkishólmi auk samstarfs við Fjölbrautaskóla Snæfellinga í Grundarfirði.

Auglýsing birt19. mars 2021

Umsóknarfrestur14. apríl 2021

Tungumálahæfni

Engar sérstakar tungumálakröfur

Staðsetning

Hafnargata 3, 340 Stykkishólmur

Starfstegund

Starfsgreinar

Starfsmerkingar

Sambærileg störf (12)