Deildarstjóri stoðþjónustu - Lækjarskóli

Við auglýsum eftir drífandi og kraftmiklum deildarstjóra stoðþjónustu og sérkennara við skólann, til að taka þátt í metnaðarfullu skólastarfi með okkur í Lækjarskóla haustið 2025.

Lækjarskóli á sér sögu allt aftur til ársins 1877 og er staðsettur í fallegu og grónu umhverfi við Lækinn í Hafnarfirði. Nemendur eru um 450 talsins. Allir nemendur frá 5. -10. bekk hafa eigin spjaldtölvu til afnota. Undanfarið skólaár höfum við unnið markvisst með fjögur meginmarkmið: Samstarf heimils og skóla, heilbrigði og vellíðan, aukinn árangur nemenda og altæka hönnun náms (UDL).

Einkunnarorð Lækjarskóla eru ábyrgð, virðing og öryggi. Unnið er samkvæmt SMT-skólafærni sem þýðir að áhersla er lögð á að nálgast nemendur á jákvæðan hátt, gefa góðri hegðun meiri gaum og skapa jákvæðan skólabrag.

Á síðasta skólaári hófst innleiðing á Universal Design for Learning (UDL). UDL er aðferðafræði sem er byggð á rannsóknum David Rose (Boston Harvard,1984). UDL veitir nemendum möguleika á að læra á ólíka vegu og að sýna kunnáttu sína á ólíkan hátt. Nemendur eru virkir og hafa áhrif á eigið nám og er tilgangurinn að útrýma hindrunum sem standa í vegi fyrir árangri nemenda.

Helstu verkefni og ábyrgð:

• Stýrir daglegu starfi og kennir innan stoðþjónustu skólans ásamt því að sinna starfsmannahaldi þar eins og við á
• Vinnur að þróun skólastarfs í samstarfi við stjórnendur og samstarfsfólk
• Stuðlar að velferð nemenda í samstarfi við foreldra og annað fagfólk
• Tekur þátt í uppbyggingu öflugrar liðsheildar á vinnustaðnum ásamt stjórnunarteymi
• Vinnur samkvæmt stefnu skólans í SMT skólafærni sem ætlað er að skapa gott andrúmsloft í skólum og tryggja öryggi og velferð nemenda og starfsfólks
• Önnur verkefni skv. starfslýsingu og sem yfirmaður felur starfsmanni

Menntun og hæfniskröfur:

• Kennsluréttindi (Leyfisbréf fylgi umsókn)
• Framhaldsmenntun í sérkennslufræðum
• Framhaldsmenntun á sviði stjórnunar og /eða uppeldis- eða kennslufræði er kostur
• Kennslureynsla af sérkennslu skilyrði
• Reynsla af- og/eða þekking á SMT-skólafærni æskileg
• Leiðtogafærni og vilji til að byggja upp sterka liðsheild
• Frumkvæði, jákvæðni og brennandi áhugi á að starfa í skapandi og metnaðarfullu umhverfi
• Mikil hæfni í mannlegum samskiptum
• Góðir skipulagshæfileikar, sjálfstæði í vinnubrögðum og samviskusemi

Skilyrði er að viðkomandi hafi hreint sakavottorð.

Nánari upplýsingar veitir Arna Björný Arnardóttir, skólastjóri í síma 664-5865 eða með tölvupósti [email protected]

Umsóknarfrestur er til og með 12. maí 2025.

Greinagóð ferilskrá og kynningarbréf fylgi umsókn.

Launakjör eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins.