Deildarstjóri óskast
Leikskólinn Álfatún óskar eftir að ráða leikskólakennara í deildastjórn
Leikskólinn Álfatún er 5 deilda leikskóli á besta stað í Fossvoginum. Í leikskólanum eru 79 börn á aldrinum 1 – 6 ára.
Við leitum að öflugum kennara í stöðu deildarstjóra sem fyrst eða eftir samkomulagi.
Áherslur okkar eru málrækt, hreyfing, útivera og skapandi starf í gegnum leik. Áhugi okkar snýr að því að auka lýðræði, skapandi hugsun og menningu. Við leggjum áherslu á góðan starfsanda þar sem áhersla er lögð á liðsheild, umhyggju, jákvæð samskipti, gleði og lausnamiðaða hugsun.
Deildarstjóri starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla, kjarasamningum, mannauðs- og skólastefnu Kópavogsbæjar.
Nánari upplýsingar um leikskólann er hægt að finna á https://alfatun.kopavogur.is/
- Vinnur að uppeldi og menntun barnanna
- Tekur þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra
- Annast daglega verkstjórn á deildinni og ber ábyrgð á að miðla upplýsingum innan deildarinnar, milli deilda leikskólans og milli leikskólastjóra og deildarinnar
- Vinnur í nánu samstarfi við foreldra/forráðamenn barnanna
- Hefur umsjón með móttöku, þjálfun og leiðsögn nýrra starfsmanna deildarinnar
- Sinnir þeim verkefnum er varða uppeldi og menntun barnanna sem yfirmaður felur honum
- Leikskólakennaramenntun eða önnur uppeldismenntun sem nýtist í starfi
- Góðir samskiptahæfileikar
- Áhugasamur einstaklingur
- Stundvísi og áreiðanleiki
- Gott vald á íslensku
- Reynsla af vinnu með börnum
- Styttri vinnuvika, vinnustytting er að hluta til notuð í jóla- páska- og vetrarfríum.
- Starfsfólk Kópavogsbæjar fær frían aðgang að sundlaugum bæjarins.
ÍslenskaFramúrskarandi
