Hafnarfjarðarbær

Hafnarfjarðarbær er þriðja stærsta sveitarfélag landsins og þar starfa um 2000 manns. Áhersla er lögð á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði.

Vinnustaðurinn

Deildarstjóri - Leikskólinn Vesturkot

Leikskólinn Vesturkot óskar eftir að ráða deildarstjóra.

Um er að ræða 100% starf. Reiknað með að viðkomandi geti hafið störf 15. ágúst eða samkvæmt samkomulagi.

Leikskólinn Vesturkot er þriggja deilda að verða fjögra deilda, staðsettur á Holtinu þar sem stutt er í ósnortna náttúruna. Stefna leikskólans tekur mið af lærdómsamfélaginu þar sem áhersla er lögð á að allir séu virkir þátttakendur í að móta og þróa skólastarfið. Einkunnarorð leikskólans eru lífsgleði, leikur og leikni. Við eflum lífsgleði með jákvæðu viðhorfi og samskiptum, aukum leikni og færni í gegnum leikinn og að nemendur fái að takast sjálf á við verkefnin með okkar stuðningi. Unnið er samkvæmt SMT skólafærni þar sem lögð er áhersla á að nálgast nemendur á jákvæðan hátt, gefa góðri hegðun meiri gaum og skapa jákvæð og uppbyggileg samskipti.

Helstu verkefni og ábyrgð

Ber ábyrgð á stjórnun, skipulagningu, framkvæmd og mati starfsins á deildinni

Annast daglega verkstjórn á deildinni og ber ábyrgð á að miðla upplýsingum innan deildarinnar, milli deilda leikskólans og milli leikskólastjóra og deildarinnar

Tryggir að sérhvert barn á deildinni fái kennslu, leiðsögn, umönnun og/eða sérkennslu eftir þörfum

Skipuleggur samvinnu við foreldra/forráðamenn barnanna á deildinni s.s. aðlögun, dagleg samskipti og foreldraviðtöl

Ber ábyrgð á að foreldrar/forráðamenn fái upplýsingar um þroska og líðan barnsins og þá starfsemi er fram fer á deildinni

Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur

Leyfisbréf sem kennari (Leyfisbréf fylgi umsókn)

Reynsla af sambærilegu starfi kostur

Færni í samskiptum og samstarfshæfileikar

Frumkvæði, sjálfstæði í vinnubrögðum og faglegur metnaður

Góð tölvukunnátta

Góð íslenskukunnátta

Fáist ekki starfsmenn með leyfisbréf til kennslu, kemur til greina að ráða háskólamenntaðan einstakling eða einstakling með reynslu af starfi með börnum, sbr. lög nr. 95/2019. Við hvetjum áhugasama til að sækja um, þó þeir hafi ekki kennsluréttindi.

Skilyrði er að viðkomandi hafi hreint sakavottorð.

Upplýsingar um starfið veita Særún Þorláksdóttir leikskólastjóri saerunth@hafnarfjordur.is og Inga Þóra Ásdísardóttir aðstoðarleikskólastjóri í síma 565-0220 og netfang skólans er vesturkot@hafnarfjordur.is

Launakjör eru samkvæmt kjarasamningi Samband íslenskra sveitafélaga og KÍ v/Félags leikskólakennara.

Umsóknarfrestur er til og með 4. júlí 2022.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing stofnuð20. júní 2022

Umsóknarfrestur4. júlí 2022

Starfstegund

Staðsetning

Miklaholt 1, 220 Hafnarfjörður

Starfsgreinar

Starfsmerkingar

Fleiri störf (21)