Laus störf Hæfnileit Vinnustaðir Námskeið

Kópavogsbær

Kópavogur er næststærsta sveitarfélag landsins með yfir 40.000 íbúa. Kópavogsbær er einn af stærstu vinnuveitendum landsins en hjá sveitarfélaginu starfa að jafnaði um 2.700 einstaklingar á fjölbreyttum starfstöðum um allan bæ. Starfsfólki fjölgar um tæplega 2.000 manns á sumrin þegar sumastarfsmenn mæta til starfa og Vinnuskólinn hefur störf. Starfsfólk Kópavogsbæjar sinnir margvíslegum verkefnum sem miða að því að veita íbúum bæjarins sem allra bestu þjónustu og tryggja velferð þeirra um leið. Hjá Kópavogsbæ eru þrjú fagsvið, menntasvið, umhverfissvið og velferðarsvið og fjórar skrifstofur sem starfa þvert á sviðin, skrifstofa umbóta og þróunar, skrifstofa þjónustu, skrifstofa mannauðs- og kjaramála og skrifstofa áhættu- og fjárstýringar. Öll störf hjá bænum falla undir eitt af þessum sviðum eða skrifstofum. Mannauðsstefna Kópavogsbæjar byggir á gildum Kópavogs en þau eru framsækni, virðing, heiðarleiki og umhyggja. Kópavogsbær hefur það einnig að markmiði að vera vinnustaður þar sem öll hafa jöfn tækifæri í starfi. Hjá Kópavogsbæ er tekið mið af jafnréttisáætlun en hægt er að lesa sér til um bæði mannauðs- og jafnlaunastefnu bæjarins hér til hliðar. Starfsfólk Kópavogsbæjar hefur einnig fríðindi en fyrir starfsfólk er í boði að fá líkamsræktarstyrk, frítt í sund og víða er mötuneyti. Kópavogsbær hefur það að leiðarljósi að vera eftirsóknarverður vinnustaður sem styður við heilsu, öryggi og vellíðan starfsfólks. Lögð er áhersla á að taka vel á móti starfsfólki og veita því markvissa þjálfun þannig að það nái góðum tökum á starfinu og líði vel í vinnunni. Mikil áhersla er lögð á gott samstarf þvert á deildir og svið bæjarins, því saman myndar starfsfólk sterka heild þar sem markmiðið er að fjölbreytt þekking, hæfni og reynsla nýtist sem best. Kópavogsbær vill fá til liðs við sig öflugt og metnaðarfullt fólk sem er tilbúið að gera góðan bæ enn betri.

Vinnustaðurinn

Deildarstjóri launadeildar

Deildarstjóri launadeildar ber ábyrgð á allri launavinnslu sveitarfélagsins, stefnumótun í málaflokknum, leiðbeinir stjórnendum sveitarfélagsins og er yfirmaður starfsfólks launadeildar. Launadeild heyrir undir skrifstofu mannauðs- og kjaramála.

Helstu verkefni og ábyrgð

Stýrir starfsemi launadeildar og starfsfólki, stefnumótun, þjálfun, skipulagningu verkefna, verkefnastýringu og þróun.

Ábyrgð á mánaðarlegri launavinnslu og öðrum þáttum sem snúa að launum og launavinnslu. Tryggir að laun og launatengd gjöld séu í samræmi við réttindi og skyldur kjarasamninga.

Ber ábyrgð á uppfærslu og framkvæmd á ferlum, verklagsreglum og vinnulýsingum launadeildar.

Ber ábyrgð á innra eftirliti með launavinnslu og tryggir að framkvæmd sé í samræmi við lög, reglur og kjarasamninga, þvert á öll svið og starfsstaði sveitarfélagsins.

Túlkun kjarasamninga í samráði við mannauðsstjóra og eftirlit með framkvæmd þeirra þ.m.t. uppreikning launataflna og framsetningar í launakerfi

Greining, útreikningur og úrvinnsla á launa- og mannauðsgögnum þ.m.t. launagreiningar, uppgjör og samantektir til bókhalds og endurskoðenda.

Ábyrgð á skilum launagagna, skilagreina, frádráttar og ársuppgjörs til viðeigandi stofnanna.

Ábyrgð á launaáætlun í samstarfi við mannauðsstjóra og aðra hlutaðeigandi s.s. stjórnendur og skrifstofu áhættu- og fjárstýringar.

Tekur þátt í þróun og innleiðingu launa- og mannauðskerfa og stuðlar að sjálfvirknivæðingu og stöðugum umbótum ferla.

Tekur þátt í uppbyggingu mælinga og mannauðstölfræði þ.m.t. launatölfræði.

Ráðgjöf, upplýsingagjöf og þjálfun stjórnenda hvað varðar launa-, mannauðs- og tímaskráningarkerfi.

Önnur verkefni sem yfirmaður felur deildarstjóra..

Menntunar- og hæfniskröfur

Háskólapróf í viðskiptafræði, verkfræði eða sambærilegu námi.

Meistarapróf í mannauðsstjórnun eða sambærilegu.

Góð reynsla af stjórnun og starfsmannamálum.

Viðamikil þekking og reynsla af launavinnslu.

Mjög góð þekking á kjarasamningum sveitarfélaga.

Mjög góð samstarfs- og samskiptahæfni.

Hæfni og reynsla af að leiða breytingar og umbótaverkefni.

Framúrskarandi tölvukunnátta, sérstaklega af excel, Kjarna og SAP launavinnslukerfum.

Mjög góð færni til tölfræðigreininga og greiningar gagna.

Sjálfstæði, frumkvæði og skipulagshæfileikar.

Gott vald á íslensku og hæfni til að tjá sig í ræðu og riti.

Þekking á verklagsferlum og verkefnastjórnun er kostur.

Reynsla og þekking af opinberri stjórnsýslu er kostur.

Hæfni og reynsla af þjálfun stjórnenda er kostur.

Fríðindi í starfi

Starfsfólk Kópavogsbæjar fær frían aðgang að sundlaugum bæjarins.

Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags.

Umsóknarfrestur er til og með 8.ágúst 2026.

Tekið er mið af jafnréttisstefnu Kópavogsbæjar og jafnréttislögum við ráðningar.

Nánari upplýsingar veitir Sigríður Þrúður Stefánsdóttir, mannauðsstjóri, [email protected]

Öllum umsóknum verður svarað þegar ákvörðun um ráðningu hefur verið tekin.

Tekið er við umsóknum í gegnum ráðningarvef Alfreðs.

Auglýsing birt30. júlí 2026

Umsóknarfrestur7. ágúst 2026

Tungumálahæfni

Íslenska

Nauðsyn

Framúrskarandi

Staðsetning

Digranesvegur 1, 200 Kópavogur

Starfstegund

Starfsgreinar

Starfsmerkingar

Fleiri störf (1)

Stuðningsaðili á Velferðarsviði

Kópavogsbær

Sambærileg störf (1)

Deildarstjóri

Leikskólinn Bláskógar