

Deildarstjóri Hjúkrunar- og sjúkradeildar
Heilbrigðisstofnun Vestfjarða óskar eftir að ráða kraftmikinn leiðtoga á hjúkrunar- og sjúkradeild á Patreksfirði. Hjúkrunardeildarstjóri ber mönnunarlega, rekstrarlega og faglega ábyrgð á deildunum í nánu samstarfi við hjúkrunarstjóra á Patreksfirði. Frábært tækifæri fyrir metnaðarfullan hjúkrunarfræðing og mjög spennandi verkefni framundan t.d. við uppbyggingu heimahjúkrunar á svæðinu. Á deildinni eru ellefu hjúkrunarrými og tvö sjúkrarými og einkennist starfsemin af góðum starfsanda, umhyggju og hlýju.
Heilbrigðisstofnun Vestfjarða er metnaðarfullur vinnustaður þar sem um 300 manns starfa á fjórum megin starfsstöðvum. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum.
Boðið er upp á góða aðlögun í upphafi starfs og aðstoð við öflun húsnæðis.











