Hafnarfjarðarbær

Hafnarfjarðarbær er þriðja stærsta sveitarfélag landsins og þar starfa um 2000 manns. Áhersla er lögð á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði.

Vinnustaðurinn

Deildarstjóri á heimili fyrir fatlað fólk - Smárahvammur

Við í Smárahvammi í Hafnarfjarðarbæ leitum eftir öflugum deildarstjóra til liðs við okkur. Um er að ræða afleysingarstarf í sex til átján mánuði í 90-100% starfshlutfall í vaktavinnu. Deildarstjóri starfar að verkefnum sem krefjast sérþekkingar, fer með faglega verkstýringu ásamt því að sinna almennum störfum með fötluðu fólki.

Smárahvammur er heimili fyrir fatlað fólk þar sem andrúmsloftið er afslappað og heimilislegt. Hér starfa um 12 manns í mismunandi starfshlutfalli og aldur og kyn starfsfólks er fjölbreytt.

Við veitum einstaklingsmiðaða þjónustu og leggjum okkur fram við að auka lífsgæði íbúa og stuðla að valdeflingu þeirra. Unnið er eftir hugmyndafræði þjónandi leiðsagnar sem og þjónustu, starfsáætlunum og stefnu Hafnarfjarðarbæjar í málaflokknum.

Helstu verkefni og ábyrgð

Sér til þess að settar verði upp þjálfunaráætlanir í samráði við notanda, forstöðumann, starfsmenn og aðstandendur og að endurmat verði gert á gildandi þjálfunaráætlunum

Leiðbeinir starfsmönnum, fylgir eftir settu verklagi á starfsstöð, tekur þátt í fræðslu og faglegum stuðningi við dagleg störf starfsmanna

Veitir fötluðu fólki einstaklingsmiðaðan persónulegan stuðning við athafnir daglegs lífs í samræmi við viðurkenndar aðferðir og nýjustu upplýsingar hverju sinni

Dagleg stjórnun starfsstöðvarinnar í fjarveru forstöðumanns

Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur

Þroskaþjálfi eða önnur háskólamenntun (B.A/B.S.) sem nýtist í starfi

Reynsla og þekking af málefnum fatlaðs fólks

Stjórnunarreynsla æskileg

Frumkvæði, sjálfstæði og faglegur metnaður

Almenn góð tölvukunnátta

Samskiptafærni og samstarfshæfileikar

Þjónustulund, sveigjanleiki og jákvæðni í starfi

Bílpróf

Góð íslenskukunnátta

Gerð er krafa um hreint sakavottorð við ráðningu

Með umsókn skal fylgja ferilskrá sem greinir frá reynslu, menntun og fyrri störfum ásamt kynnisbréfi um af hverju þú telur þig hæfa/n í starfið. Nánari upplýsingar veitir Jónína Rut Matthíasdóttir, forstöðumaður í síma 664-5729 eða joninam@hafnarfjordur.is

Laun eru samkvæmt kjarasamningi Sambands íslenskra sveitafélaga og BHM.

Umsóknarfrestur er til og með 20. september 2023.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing stofnuð6. september 2023

Umsóknarfrestur20. september 2023

Starfstegund

Staðsetning

Strandgata 6, 220 Hafnarfjörður

Starfsgreinar

Starfsmerkingar

Fleiri störf (21)