Hagstofa Íslands

Hagstofa Íslands er miðstöð opinberrar hagskýrslugerðar í landinu og vinnur að söfnun gagna, úrvinnslu og birtingu tölfræðilegra upplýsinga um landshagi Íslands og þjóðfélagsleg málefni. Hagstofan skiptist í fjögur svið, efnahagssvið, félagsmálasvið, fyrirtækjasvið og rekstrarsvið.

Vinnustaðurinn

Deildarstjóri á greiningasviði

Hefur þú brennandi áhuga á félagsmálatölfræði og vísitölum og vilt vera leiðandi á því sviði?

Laust er til umsóknar starf deildarstjóra á nýju greiningasviði sem gegnir mikilvægu hlutverki í miðlun traustra og áreiðanlegra upplýsinga í samræmi við stefnu og hlutverk Hagstofunnar. Deildarstjóri sinnir daglegri stjórnun og fer með faglega forystu í verkefnum deildarinnar sem ber ábyrgð á fjölbreyttum tölfræðilegum greiningum og hagtölum á sviði félagsmála og vísitalna.

Áhersla er lögð á verkefnamiðaða starfshætti, samvinnu, stafrænt vinnulag og skilvirkni. Starfið felur í sér samstarf á innlendum og erlendum vettvangi. Um nýtt starf er að ræða og mun deildarstjórinn hafa tækifæri til að hafa áhrif á þróun starfsins.

Menntunar- og hæfniskröfur

Háskólamenntun sem nýtist í starfi

Þekking og reynsla af tölfræðilegri greiningu

Samskipta- og samstarfsfærni

Skipulagshæfni og vönduð vinnubrögð

Sjálfstæði, frumkvæði og drifkraftur

Góð íslensku- og enskukunnátta í ræðu og riti

Leiðtogahæfni og reynsla af stjórnun verkefna

Góð tækniþekking

Reynsla af hagskýrslugerð

Reynsla af alþjóðastarfi er kostur

Um er að ræða fullt starf. Mikilvægt er að viðkomandi geti hafið störf sem fyrst. Laun eru skv. gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsóknarfrestur er til og með 30. maí 2023 og skal sótt um á ráðningarvef ríkisins, www.starfatorg.is.

Með umsókn þarf að fylgja ferilskrá ásamt kynningarbréfi þar sem gerð er grein fyrir hæfni umsækjanda í starfið.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því umsóknarfrestur rennur út. Öll kyn eru hvött til að sækja um. Tekið er mið af jafnréttisstefnu Hagstofu Íslands við ráðningar í störf.

Nánari upplýsingar um starfið veita Emma Ásudóttir Árnadóttir, emma.a.arnadottir@hagstofa.is og Lárus Blöndal, larus.blondal@hagstofa.is eða í síma 5281000.

Hagstofa Íslands er miðstöð opinberrar hagskýrslugerðar á Íslandi. Hlutverk Hagstofunnar er að vinna hlutlægar hagskýrslur, hafa forystu um samhæfingu hagtalna, stunda rannsóknir og stuðla þannig að upplýstri umræðu og faglegum ákvörðunum. Leiðarljós starfseminnar eru þjónusta, áreiðanleiki og framsækni. Hagstofan er staðsett í lifandi umhverfi í Borgartúninu, starfsumhverfið er jákvætt, fjölskylduvænt og sveigjanlegt og við höfum öflugt starfsmannafélag. Nánari upplýsingar má finna á www.hagstofa.is.

Auglýsing stofnuð17. maí 2023

Umsóknarfrestur30. maí 2023

Starfstegund

Staðsetning

Borgartún 21A, 105 Reykjavík

Vinnuumhverfi

Starfsgreinar

Starfsmerkingar

Sambærileg störf (12)