Laus störf Hæfnileit Vinnustaðir Námskeið

Háskólinn á Bifröst

Háskólinn á Bifröst hefur í meira en hálfa öld menntað fólk til áhrifa og ábyrgðar í íslensku samfélagi. Háskólinn leggur áherslu á samþættingu fræða og framkvæmdar og hefur verið leiðandi hér á landi í uppbyggingu og þróun stafrænnnar menntunar á háskólastigi.

Vinnustaðurinn

Deildarforseti lagadeildar

Deildarforseti hefur umsjón með námi og leiðir akademíska stefnumótun deildarinnar. Hann stýrir og ber ábyrgð á faglegum málefnum deildar, þ.m.t. starfsmannamálum og gæðamálum, og ber fjárhagslega ábyrgð innan ramma fjárhagsáætlunar. Leitað er að einstaklingi með faglegan styrk, skipulags- og stjórnunarhæfileika, reynslu á sviði skólamála og metnað og áhuga á að taka virkan þátt í frekari uppbyggingu og þróun fjarnáms í viðskiptalögfræði. Háskólinn á Bifröst er framsækinn háskóli sem hefur verið leiðandi í uppbyggingu hagnýts fjarnáms á háskólastigi hér á landi síðastliðin 20 ár.

Menntunar- og hæfniskröfur

Meistaragráða í lögfræði.

Doktorspróf í lögfræði / meistaragráða í viðskiptafræði er kostur.

Þekking og reynsla úr háskólaumhverfi er mikilvæg.

Þekking og reynsla úr viðskiptalífinu er kostur.

Reynsla af stjórnun og/eða kennslu á háskólastigi er kostur.

Leiðtoga- og stjórnunarfærni.

Skipulagshæfileikar.

Samskipta- og samráðsfærni.

Mjög góð færni í íslensku og ensku, í ræðu og riti.

Helstu verkefni og ábyrgð

Leiðir innra starf lagadeildar og frumkvæði í þróun deildar.

Skipuleggur og ber ábyrgð á mönnun deildar.

Ábyrgð á starfs- og verkáætlunum starfsmanna.

Utanumhald gæðastarfs deildar.

Samstarf við kennslusvið, fjármálasvið og önnur stoðsvið skólans.

Eftirlit með rannsóknarvirkni í deildinni.

Samskipti við laganema um akademísk málefni.

Inntaka nemenda í lögfræði með aðstoð kennslusviðs.

Þátttaka í nefndarstarfi utan og innan skólans eftir atvikum.

Deildarforseti situr í framkvæmdastjórn skólans.

Kennsla og rannsóknir samkvæmt samkomulagi við rektor.

Umsókn: Með umsókn skulu fylgja náms- og starfsferilsskrá, afrit af prófskírteinum og kynningarbréf þar sem kemur fram m.a. lýsing á hugmyndum umsækjanda um uppbyggingu og þróun náms í viðskiptalögfræði við Háskólann á Bifröst. Farið verður með allar umsóknir sem trúnaðarmál.

Starfsstöð: Háskólinn á Bifröst og skrifstofur skólans í Reykjavík.

Nánari upplýsingar: Margrét Jónsdóttir Njarðvík, rektor ([email protected]) eða Arney Einarsdóttir, dósent og mannauðsstjóri, [email protected]. Umsóknir sendist á [email protected]. Umsóknarfrestur er til og með 15. desember 2020.

Háskólinn á Bifröst vinnur samkvæmt jafnréttisáætlun skólans og hvetur alla óháð kyni til að sækja um.

Auglýsing birt27. nóvember 2020

Umsóknarfrestur15. desember 2020

Tungumálahæfni

Engar sérstakar tungumálakröfur

Staðsetning

Bifröst skóli 134783, 311 Borgarnes

Starfstegund

Hæfni