Rangárþing eystra

Rangárþing eystra er barnvænt og heilsueflandi samfélag í stöðugri sókn. Íbúar sveitarfélagsins eru um 2000 helmingur íbúa býr í dreifbýli og um helmingur í þéttbýlinu Hvolsvelli. Sveitarfélagið leggur ríka áherslu á samvinnu,virðingu og vellíðan á vinnustað.

Vinnustaðurinn

Byggðaþróunarfulltrúi í Rangárþingi ytra og eystra

Sveitarfélögin Rangárþing ytra og Rangárþing eystra í samstarfi við Samtök sunnlenskra sveitarfélaga auglýsa laust til umsóknar starf byggðaþróunarfulltrúa.

Byggðaþróunarfulltrúi veitir ráðgjöf og handleiðslu á sviði atvinnu- og byggðaþróunar, vinnur að upplýsingaöflun, miðlun upplýsinga og svæðisbundnum verkefnum á sviði byggðaþróunar. Byggðaþróunarfulltrúi sinnir verkefnum í samráði við sveitarfélögin tvö og Samtök sunnlenskra sveitarfélaga (SASS). Einnig starfar fulltrúinn með samstarfshópi samtakanna og öðrum byggðaþróunarfulltrúum á Suðurlandi.

Um er að ræða framtíðarstarf með allt að 100% starfshlutfalli og hefur viðkomandi starfsaðstöðu í ráðhúsi Rangárþings eystra á Hvolsvelli. Næsti yfirmaður er sveitarstjóri Rangárþings eystra.

Helstu verkefni og ábyrgð

• Veita ráðgjöf og handleiðslu á sviði atvinnuþróunar, nýsköpunar og menningarmála með sérstaka áherslu á umsækjendur og styrkþega Uppbyggingarsjóðs Suðurlands.

• Aðkoma að fræðslu og þjálfun fyrir frumkvöðla.

• Vinna við söfnun og greiningu upplýsinga á sviði atvinnu- og byggðamála.

• Vinna að upplýsingamiðlun um stoðkerfi atvinnuþróunar, nýsköpunar, menningar og byggðamála.

• Hvetja hagaðila innan svæðis til verkefnaþróunar og þátttöku í samstarfsverkefnum.

• Styðja við stefnumörkun sveitarfélaganna á sviði byggðamála og framfylgja einstökum aðgerðum.

• Vinna að og þróa svæðisbundin verkefni að eigin frumkvæði og í samstarfi við hagaðila.

• Vinna að gerð sameiginlegrar atvinnustefnu sveitarfélaganna og framfylgja henni.

• Viðkomandi vinnur í samstarfi við markaðs- og kynningarfulltrúa sveitarfélaganna.

Menntunar- og hæfniskröfur

• Menntun sem nýtist í starfi.

• Reynsla af verkefnastjórnun og/eða ráðgjöf æskileg.

• Góð færni í mannlegum samskiptum og rík þjónustulund.

• Góð tölvufærni og hæfni í tjáningu í ræðu og riti.

• Frumkvæði í starfi og góð hæfni í að vinna með öðrum.

• Áhugi á að tileinka sér nýja þekkingu og miðla henni áfram.

• Þekking á nærsamfélaginu er æskileg og áhugi á að efla sitt tengslanet.

Æskilegt er að viðkomandi hafi fasta búsetu í Rangárvallasýslu og geti hafið störf sem fyrst.

Umsóknarfrestur er til og með 12. júní 2023. Umsókn skal skilað á netfangið anton@hvolsvollur.is og þarf henni að fylgja starfsferilsskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir einstaklingar, óháð kyni, eru hvattir til að sækja um starfið. Laun eru samkvæmt kjarasamningi viðkomandi stéttarfélags og Sambands íslenskra sveitarfélaga. Umsóknir gilda í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin.

Nánari upplýsingar veita Anton Kári Halldórsson (anton@hvolsvollur.is) 488-4200 og Þórður Freyr Sigurðsson (thordur@sass.is) 480-8200

Auglýsing stofnuð23. maí 2023

Umsóknarfrestur12. júní 2023

Starfstegund

Staðsetning

Austurvegur 4, 860 Hvolsvöllur

Starfsgreinar

Starfsmerkingar

Fleiri störf (1)

Leikskólinn Aldan auglýsir lausar stöður

Rangárþing eystra

Hvolsvöllur 31. maí Fullt starf (+1)