Burðarvirkjahönnuður

VSB verkfræðistofa óskar eftir að ráða öflugan einstakling í starf hönnuðar burðarvirkja. Hönnuður burðarvirkja starfar á byggingarsviði VSB. Um framtíðarstarf er að ræða og í boði eru spennandi verkefni í frábæru starfsumhverfi.

Helstu verkefni og ábyrgð:

• Hönnun burðarvirkja og gerð séruppdrátta
• Ábyrgð á gerð og gæðum hönnunargagna í samræmi við gæðakerfi og stefnu VSB
• Önnur tilheyrandi verkefni við undirbúning og eftirfylgni framkvæmda
• Gerð útboðsgagna, kostnaðaráætlana, verklýsinga og greinagerða
• Samskipti við verkkaupa og aðra hagaðila
• Almenn ráðgjöf til viðskiptavina og samstarfsaðila

Menntunar- og hæfniskröfur:

• Háskólamenntun á sviði tækni- eða verkfræði
• Reynsla af brúarhönnun sem og af hönnun for- og eftirspenntra mannvirkja
• Góð kunnátta á Revit
• Framúrskarandi þjónustulund
• Góð samskipta- og samstarfshæfni
• Nákvæmni, frumkvæði og sjálfstæð vinnubrögð
• Góð íslenskukunnátta í ræðu og riti

Fríðindi í starfi:

• Samgöngustyrkur
• Niðurgreiddur hádegismatur
• Sveigjanlegur vinnutími og fjarvinnustefna
• Sími og símareikningur greiddur af VSB
• Íþróttastyrkur

Um VSB
VSB er fjölhæf verkfræðistofa á sviði skipulags, hönnunar og framkvæmda sem veitir viðskiptavinum ráðgjöf þar sem hagkvæmni, fagmennska og áreiðanleiki eru lykilatriði. Á VSB er öflugt byggingarsvið þar sem starfa í dag 11 sérfræðingar við hönnun burðarvirkja, rafmagns, lagna- og loftræsingar. VSB hefur aðsetur að Bæjahrauni 20 í Hafnarfirði. Nánari upplýsingar má finna á heimasíðu VSB www.vsb.is.

Umsóknarfrestur er til og með 18. febrúar 2025. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf. Farið verður með allar fyrirspurnir og umsóknir sem trúnaðarmál og þeim svarað að ráðningu lokinni.
Nánari upplýsingar veita Þuríður Pétursdóttir ([email protected]) og Lea Kristín Guðmundsdóttir ([email protected]) í síma 511 1225.