Veitur

Veitur eru framsækið þjónustufyrirtæki sem tryggir aðgengi að rafmagni, hita, vatni og fráveitu. Með nýsköpun og samstarfi veitum við lífsgæði til framtíðar. Veitur eru stærsta veitufyrirtæki landsins og þjónustar ríflega 70% landsmanna. Við setjum viðskiptavininn í fyrsta sæti og erum stöðugt að bæta okkur og finna leiðir til þess að þjónusta viðskiptavini okkar enn betur. Til að vita meira um hvernig er að starfa hjá Veitum er tilvalið að heimsækja heimasíðuna okkar, www.veitur.is/vinnustadurinn.

Vinnustaðurinn

Brennur þú fyrir að veita framúrskarandi þjónustu?

Við leitum að drífandi og lausnamiðuðum einstaklingi til að bætast við öflugt teymi þjónusturáðgjafa Veitna. Viðkomandi mun fá tækifæri til að nýta hæfileika sína til að veita framúrskarandi þjónustu og leysa úr fjölbreyttum verkefnum í síbreytilegu umhverfi. Við leitum að fólki í fullt starf.

Helstu verkefni fela í sér að veita viðskiptavinum Veitna ráðgjöf í gegnum síma, tölvupóst, netspjall og samfélagsmiðla, taka á móti umsóknum og greina þær, auk þess að greina og innleiða umbætur í ferlum Þjónusturáðgjafarinnar sem stuðla að bættri upplifun og ánægju viðskiptavina.

Hjá Þjónusturáðgjöf Veitna leggjum við áherslu á:

Viðskiptavinamiðaða hugsun: að setja sig í spor viðskiptavina og sífellt að leita nýrra leiða til að mæta þeirra þörfum.
Skjóta og örugga viðbragðsgetu: að bregðast hratt og örugglega við þegar á þarf að halda.
Frumkvæði og sveigjanleika: að takast á við krefjandi verkefni með frumkvæði, jákvæðu hugarfari og sveigjanleika.

Menntunar- og hæfniskröfur

Jákvætt viðhorf, drifkraftur og sjálfstæð vinnubrögð.
Framúrskarandi samskiptahæfni og þjónustulund.
Hæfni til að miðla tæknilegum upplýsingum á skiljanlegan hátt.
Mjög góð tölvukunnátta og hæfni til að tileinka sér nýja tækni og kerfi.
Reynsla af þjónustustörfum er æskileg.
Góð skipulagshæfni og lausnamiðuð hugsun.
Stúdentspróf, háskólanám eða sambærilegt sem nýtist í starfi.

Vinnutími er frá klukkan 8:30-16:30. Um er að ræða tímabundið starf.

Umsóknarfrestur er til og með 17. janúar 2025. Nánari upplýsingar veitir Brynja Ragnarsdóttir forstöðumaður Þjónustu, á netfanginu brynja.ragnarsdottir@veitur.is.

Hvers vegna Veitur?

Það er líf og fjör í vinnunni, starfsemi okkar er fjölbreytt og samfélagslega mikilvæg. Starfsfólk okkar hefur frumkvæði og fær tækifæri til að hrinda hugmyndum sínum í framkvæmd. Við leggjum áherslu jafnvægi vinnu og einkalífs, sí- og endurmenntun og möguleika til að vaxa í starfi. Okkur er annt um umhverfið, jafnrétti og að koma fram við hvert annað og viðskiptavini af virðingu.

Veitur er framsækið þjónustufyrirtæki sem tryggir aðgengi að rafmagni, hita, vatni og fráveitu. Með nýsköpun og samstarfi veitum við lífsgæði til framtíðar. Veitur eru stærsta veitufyrirtæki landsins og þjónustar ríflega 70% landsmanna. Við setjum viðskiptavininn í fyrsta sæti og erum stöðugt að bæta okkur og finna leiðir til þess að þjónusta viðskiptavini okkar enn betur.

Viltu vita meira um hvernig er að starfa hjá Veitum og Orkuveitunni. Smelltu þá HÉR til að sjá kynningarmyndband.

Auglýsing birt8. janúar 2025

Umsóknarfrestur17. janúar 2025

Tungumálahæfni