Blue Car Rental er íslensk bílaleiga sem rekur öfluga leigu á Suðurnesjum og Reykjavík ásamt fullbúnu þjónustuverkstæði. Við erum fjölbreyttur og lifandi hópur sem sinnir ólíkum og margbreytilegum verkefnum innan hópsins. Saman erum við lið í sókn. Starfsstöðvar okkar hafa verið endurbættar og endurnýjaðar á undanförnum árum og eru bæði starfsaðstæður og starfsmannaaðstaða til fyrirmyndar. Við erum hópur sem leggur áherslu á jákvæð og uppbyggjandi samskipti, teymisvinnu, sýnum metnað í starfi og þorum að takast á við breytingar. Hér ríkir góður starfsandi og verkefnin eru spennandi og fjölbreytt. Við leggjum áherslu á öryggi. Blue Car Rental hefur markað sér jafnréttisstefnu og hlaut fyrirtækið jafnlaunavottun árið 2022. Þá höfum við einnig sett okkur umhverfisstefnu og höfum verið með vottun Vakans (gæða- og umhverfisvottun ferðaþjónustunnar) síðan 2019. Við vinnum stöðugt að því að endurskoða markmið okkar og vinna að úrbótum í umhverfismálum.