Bílstjóri í flotdeild

Steypustöðin óskar eftir að ráða starfsmann í flotdeild félagsins í Hafnarfirði. Um er að ræða tímabundna ráðningu í 6 mánuði. Ef þú hefur gaman af því að keyra, vinnur vel undir álagi og hefur góða öryggisvitund, þá gæti þetta verið rétta starfið fyrir þig.

Starfið felst að mestu leyti í akstri trailervagna með flot- og gólfílagningarefnum, auk þess að sinna dælingu á þessum efnum. Starfið er líkamlega krefjandi, svo viðkomandi þarf að vera líkamlega hraustur. Við leitum að metnaðarfullum og drífandi einstaklingi til að bætast í okkar teymi.

Æskilegt er að umsækjandi hafi reynslu af akstri vörubifreiða með aftanívagn (trailer). Viðkomandi mun fá þjálfun við hæfi vegna vinnu við dælingu á efnum.

Við hvetjum öll kyn og þjóðerni til að sækja um.

Kostur er að viðkomandi geti hafið störf sem fyrst.