Linde Gas ehf - áður Ísaga ehf var stofnað 1919. Linde Gas framleiðir og flytur inn gas fyrir iðnað, matvælaframleiðendur og Heilbrigðiskerfið. Súrefnisverksmiðja er starfrækt í Vogum á Vatnsleysuströnd þar sem súrefni og köfnunarefni í fljótandi formi er unnið úr andrúmsloftinu. Koldíoxíðverksmiðja er á Hæðarenda í Grímsnesi þar sem koldíoxíðrík heitavatnsæð er nýtt. Hylkjaáfyllingarstöð ásamt skrifstofu var nýlega reist og tekin í notkun að Búðahellu 8 í Hafnarfirði og starfsemi fyrirtækisins á Breiðhöfða lögð að fullu niður síðsumars 2023.