Á Bifreiðverkstæði Kópavogs er gert við allar tegundir bifreiða, verkstæðið er viðurkenndur þjónustuaðili Toyota og fær starfsfólk þjálfun ásamt því að sækja öll námskeið sem Toyota fer fram á. Verkstæðið starfar samkvæmt umhverfisstefnu og hefur fengið vottun á starfsemi sína samkvæmt ISO 14001 umhverfisstjórnunarstaðlinum. Bifreiðaverkstæði Kópavogs var stofnað árið 1995 af Auðunni Ásberg Gunnarsyni. Fyrir nokkrum árum kom svo eiginkonan inn í reksturinn og í dag starfa ásamt þeim 5 bifvélavirkjar og einn skutlari/sendiherra. Þessi hópur leggur metnað sinn í vönduð vinnubrögð og að veita afburða góða þjónustu.