BM Vallá

BM Vallá gegnir forystuhlutverki í framleiðslu á steypu- og múrvörum fyrir íslenskan byggingariðnað. Framleiðsla fyrirtækisins byggir á þekkingu, reynslu og gæðum sem endast og standast ströngustu kröfur við íslenskar aðstæður. Stjórnkerfi fyrirtækisins er gæðavottað skv. ISO 9001 og er BM Vallá eini steypuframleiðandinn á landinu með þá vottun. Umhverfismál og sjálfbær nýting auðlinda er rauður þráður í starfseminni og hefur BM Vallá sett sér það metnaðarfulla markmið að verða umhverfisvænsti steypuframleiðandi landsins. Markvisst er stefnt að því að starfsemi og steypuframleiðsla BM Vallár verði kolefnishlutlaus árið 2030. Fyrirtækið leggur mikla áherslu á að skapa gott vinnuumhverfi og vinnustaðamenningu. Lögð er áhersla á góð starfsskilyrði og möguleika til starfsþróunar ásamt jákvæðum og uppbyggilegum samskiptum. BM Vallá er í eigu Eignarhaldsfélagsins Hornsteins ehf., sem á að auki Björgun og Sementsverksmiðjuna. Hjá fyrirtækjunum starfar fjölbreyttur og samhentur hópur fólks að því að gera mannvirkjagerð á Íslandi umhverfisvænni.

Vinnustaðurinn

Bifvélavirki - Mechanic

BM Vallá leitar að bifvélavirkja og/eða vélvirkja í almenna viðgerðarvinnu á verkstæði fyrirtækisins að Bíldshöfða 7. Verkstæðið sér um viðhald á öllum framleiðslutengdum búnaði fyrirtækisins, þ.m.t. ökutækjum. Um er að ræða framtíðarstarf með skilgreindan vinnutíma frá kl. 7.30-17.00.

Við hvetjum öll kyn til að sækja um.

Helstu verkefni og ábyrgð

Viðgerðir, viðhald og standsetning á ökutækjum, vélum og búnaði
Bilanagreiningar, ýmsar skráningar og skipulagning
Samskipti og þjónusta við innri/ytri viðskiptavini
Sjá til þess að búnaður uppfylli kröfur um öryggi og mengunarvarnir

Menntunar- og hæfniskröfur

Bifvélavirki/Vélvirki/Sambærileg menntun eða starfsreynsla
Almennur áhugi og þekking á vélum og tækjum
Íslensku og/eða enskukunnátta
Sjálfstæði, metnaður og vandvirkni

Umsóknir óskast rafrænt í gegnum Alfreð fyrir 14. október.
Farið verður með allar umsóknir sem trúnaðarmál og öllum umsóknum verður svarað.

Mannauðsstefna
Mikil áhersla er á faglega vinnu þar sem ferlar, árangur og stöðugar úrbætur eru hafðar að leiðarljósi. Við tilheyrum liðsheild þar sem metnaðarfullt starf er unnið af jákvæðu og ábyrgu fólki í anda jafnræðis og við viljum gera starfsfólki okkar kleift að samhæfa vinnu og fjölskylduábyrgð.

Jöfn tækifæri
Með jafnréttisstefnunni okkar tryggjum við að starfsfólk hafi jafna möguleika óháð kyni, þjóðerni, kynþætti, kynhneigð, aldurs og fleiri þátta.

Eignarhaldsfélagið Hornsteinn ehf. á og rekur þrjú dótturfélög sem starfa við öflun hráefna, framleiðslu, sölu og þjónustu á byggingarmarkaði og við mannvirkjagerð á Íslandi. Fyrirtækin eru Björgun ehf., BM Vallá ehf. og Sementsverksmiðjan ehf., og hafa þessi félög rótgróna sögu á Íslandi sem rekja má allt aftur til fyrri hluta síðustu aldar. Hjá fyrirtækjunum starfa um 200 manns á starfsstöðvum víða um land en skrifstofa Hornsteins ehf. er á Bíldshöfða 7.

Auglýsing birt4. október 2024

Umsóknarfrestur14. október 2024

Tungumálahæfni