Grillmarkaðurinn er veitingarstaður með áherslu á íslenska matargerð og stíl. Við munum leitast við að nota hráefni beint frá bændum landsins svo að hráefnið verður tipp topp hverju sinni. Matseðillinn er byggður upp á því að matreiða frábært kjöt, sjávarfang, fisk og gæða árstíðarbundið hráefni á spennandi hátt. Eldur, reykur, viður og kol hjálpa okkur að ná fram djúpri, ríkri og jarðlegri tilfinningu í okkar brögð sem mun svo jafnast út með ferskleika. Þannig búum við til upplifun bæði úr íslenskum hefðum og nútíma matargerð. Kokkarnir á Grillmarkaðnum eru stoltir af grillinu sem þeir hafa látið sérsmíða fyrir sig. Grillið er þannig upp byggt að það þolir svakalega mikinn hita. Kolin hitna upp í 1200 gráður og með því verður maturinn stökkur að utan en safaríkur að innan.