Hjallastefnan

Hjallastefnan er kærleiksmiðuð og skapandi lýðræðisstefna. Hjallastefnan rekur í dag 14 leikskóla og þrjá grunnskóla. Drifkrafturinn í rekstri Hjallastefnunnar er sú skólahugsjón sem allt starf Hjallastefnunnar byggir á. Starfsfólk fyrirtækisins trúir því staðfastlega að starf þeirra skipti miklu máli og að það eigi með vinnu sinni þátt í því að skapa betri framtíð fyrir börn þessa lands. Jafnréttisuppeldi, jákvæðni, agi, skapandi hugsun, félagsþjálfun og einstaklingsstyrking eru innviðir í námskrá Hjallastefunnar sem við teljum að geti skipt sköpum í þroska þeirra einstaklinga sem okkur er treyst fyrir. Einnig er trú okkar að öflugt fyrirtæki í sjálfstæðum skólarekstri geti skapað nýjungar og unnið að tilraunaverkefnum sem veiti hinu opinbera kerfi nauðsynlegt og tímabært aðhald í því að efla fagstarf sitt og þjónustu – öllum börnum til hagsbóta. Skólar Hjallastefnunnar starfa sjálfstætt undir stjórn síns leik- eða grunnskólastjóra sem hefur yfirumsjón með og ber ábyrgð á daglegum rekstri skólans. Þannig hefur hver skóli sitt eigið andrúmsloft og sína eigin menningu en allir starfa þeir þó að sameiginlegu markmiði og eftir sömu námskrá sem liggur til grundvallar öllum þáttum fagstarfsins.

Vinnustaðurinn

Barnaskólinn í Hafnarfirði - forfallakennsla í 1.-4. bekk

Laus er tímabundin 100% staða forfallakennara á yngsta stigi grunnskóla (1.-4. bekkur) við Barnaskóla Hjallastefnunnar í Hafnarfirði frá 1. janúar 2025 eða fyrr. Staðan er auglýst vegna fæðingarorlofs.

Um er að ræða forfallakennslu í litlum hópum í 1.-4. bekk og þarf viðkomandi að vera sveigjanlegur og tilbúinn að taka að sér fjölbreytta kennslu. Föst viðvera grunnskólakennara er frá kl. 8:00-13:45 alla virka daga utan fundar frá kl. 14:00-15:30 einn dag í viku. Hjallastefnan er með kjarasamning við FG með ákvæði um aukna viðveru með börnum og fyrir það eru greiddir auka launaflokkar.

Í Barnaskólanum starfar einstaklega flottur og jákvæður hópur fólks og því leitum við að jákvæðum og lífsglöðum kennara sem er tilbúinn að tileinka sér starfshætti Hjallastefnunnar af gleði og kærleika. Viðkomandi þarf að sýna sjálfstæði í vinnubrögðum og hafa áhuga á jafnrétti og lýðræði í skólastarfi. Námsumhverfið er mjög lifandi þar sem sköpun er í fyrirrúmi því ekki er um bókastýrða kennslu að ræða.

Barnaskóli Hjallastefnunnar í Hafnarfirði er í einstaklega fallegu og skemmtilegu umhverfi með Víðistaðatúnið í bakgarðinum. Skólann sækja börn á aldrinum 5-9 ára. Jafnréttisuppeldi, skapandi hugsun, félagsþjálfun og einstaklingsstyrking eru innviðir hugmyndafræðinnar sem við teljum að geti skipt sköpum í þroska komandi kynslóða. Við hvetjum öll kyn til að sækja um starfið.

Helstu verkefni og ábyrgð

Forfallakennsla í 1.-4. bekk
Starfa eftir stefnu skólans, samkvæmt aðalnámskrá, skólanámskrá og kynjanámskrá Hjallastefnunnar

Menntunar- og hæfniskröfur

Leyfisbréf til kennslu á grunnskólastigi
Reynsla og þekking á starfi með börnum
Lipurð og sveigjanleiki í samskiptum
Metnaður og sjálfstæði í vinnubrögðum
Góð íslenskukunnátta
Stundvísi og áreiðanleiki
Jákvæðni

Fríðindi í starfi

Frítt fæði á vinnutíma

Um er að ræða 100% stöðu frá 1. janúar (eða fyrr) til 31. júlí 2025 með möguleika á framtíðarstarfi.

Laun eru samkvæmt samningi Hjallastefnunnar og KÍ vegna Félags grunnskólakennara.

Ef ekki tekst að ráða grunnskólakennara til starfa kemur til greina að ráða kennaranema eða leiðbeinanda með menntun og reynslu sem nýtist í starfi.

Óskað er eftir því að greinargóð ferilskrá, afrit af leyfisbréfi og prófskírteini fylgi umsókn.

Við vekjum athygli á því að starfsfólk sem ráðið er til starfa við Barnaskólann þarf að skila inn sakavottorði úr sakaskrá hjá Ríkissaksóknara.

Allar frekari upplýsingar fást hjá skólastýrum Barnaskólans í gegnum netfangið barnaskolinnhfj@hjalli.is eða símleiðis; Hildur 899-9633 eða Ruth 767-0725.

Heimasíða Barnaskóla Hjallastefnunnar í Hafnarfirði.

Auglýsing birt25. nóvember 2024

UmsóknarfresturEnginn

Tungumálahæfni