Automation developer

Við hjá Evolv leitum að starfskrafti sem er tilbúinn að ganga til liðs við okkar frábæra teymi sem hjálpar stærstu fyrirtækjum landsins að sjálfvirknivæða handvirka og tímafreka ferla. Starfið felst meðal annars í því að greina, smíða og innleiða hugbúnaðarlausnir sem nýtast viðskiptavinum Evolv í sinni sjálfvirknivegferð.

Evolv býður viðskiptavinum sínum upp á framúrskarandi þjónustu sem byggir á trausti, fagmennsku og skilningi á virði þeirra sjálfvirknilausna sem Evolv þróar í samvinnu við viðskiptavini.

Drífandi einstaklingar í leit að starfi sem býður upp á fjölbreytt verkefni, ábyrgð og tækifæri til að hafa áhrif á hverjum degi eru hvattir til að sækja um. Ef eftirfarandi á við um þig þá skaltu sækja um

• Hef áhuga á því að fá innsýn inn í fjölbreyttan rekstur fyrirtækja á Íslandi
• Vil fá tækifæri til þess að leysa vandamál frá upphafi til enda
• Vil fá tækifæri til þess að taka ábyrgð og sýna frumkvæði af alvöru
• Hef áhuga á að sjálfvirknivæða handvirka ferla
• Hef gagnrýna hugsun og metnað fyrir því að gera hlutina betur, ekki gera hlutina á einhvern ákveðinn hátt vegna þess að þeir hafa alltaf verið gerðir þannig.
• Hef samskiptahæfni sem nýtist til þjónustu við viðskiptavini, sama hvort það sé til þess að greina tækifæri, innleiða lausnir eða veita notendaaðstoð.