Alþjóðleg tækifæri - viðskiptamiðaður verkefnastjóri

Landsvirkjun þróar og fjárfestir í endurnýjanlegri raforkuvinnslu á erlendri grundu. Með því viljum við flytja út og efla íslenskt hugvit, auka kraft okkar í baráttunni við loftslagsbreytingar og skapa verðmæti fyrir íslensku þjóðina. Norðurslóðir eru í forgrunni hjá okkur og þar eru mörg áhugaverð verkefni í undirbúningi.

Við leitum að verkefnastjóra til að stýra verkefnaþróun Landsvirkjunar erlendis, með áherslu á viðskiptalega hlið verkefna. Starfið felur m.a. í sér umsjón samstarfs við hlutaðeigandi aðila, mat og þróun viðskiptatækifæra, gerð viðskiptaáætlana og samningagerð. Starfið er í verkefnaþróunardeild á sviði viðskiptaþróunar og nýsköpunar, en verkefni eru almennt unnin í nánu samstarfi við auðlinda- og önnur svið Landsvirkjunar, erlend orkufyrirtæki og aðra aðila.