Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Almennur læknir/ tímabundið starf innan nýrnalækninga

Laust er til umsóknar starf almenns læknis innan nýrnalækninga á Landspítala. Starfið er tímabundið til 6-12 mánaða. Upphaf starfs er samkvæmt samkomulagi.

Í starfinu felst vinna við almenna göngudeild, ígræðslugöngudeild, skilunardeildir og ráðgjafaþjónustu. Unnið er í náinni samvinnu við sérfræðilækna í nýrnalækningum.

Starfið nýtist afar vel þeim sem hafa hug á frekari sérnámi í nýrnalækningum en er einnig mjög góður grunnur eða viðbót fyrir þá sem hyggja á frekara sérnám í öðrum greinum, t.d. almennum lyflækningum, heimilislækningum, hjartalækningum, innkirtlalækningum, gigtlækningum o.fl. Þó skal tekið fram að auglýst staða telst hvorki til formlegs sérnáms né sérfræðiréttinda á Íslandi eða í öðrum Evrópuríkjum.

Unnið er eftir starfslýsingu og undir skipulagðri handleiðslu sérfræðilæknis.

Helstu verkefni og ábyrgð

Þátttaka og þjálfun í ráðgjöf varðandi uppvinnslu og meðferð einstaklinga með bráðan og langvinnan nýrnaskaða
Þátttaka á vaktalínum námslækna innan almennra lyflækninga
Meðferð skilunarsjúklinga og einstaklinga með lokastigs nýrnabilun sem ekki eru í skilunarmeðferð
Greina og meðhöndla bráðavandamál einstaklinga með ígrætt nýra
Þátttaka í samvinnu ólíkra sérgreina læknisfræðinnar eins og t.d. samráðsfundum
Þátttaka í kennslu og vísindastarfi eftir atvikum

Menntunar- og hæfniskröfur

Almennt íslenskt lækningaleyfi
Framúrskarandi læknisfræðileg þekking
Góð færni í mannlegum samskiptum og teymisvinnu
Öguð vinnubrögð
Áhugi á að bæta sig í faglegu klínísku umhverfi
Gott vald á íslensku máli

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilsskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Læknir, almennur læknir

Tungumálahæfni: íslenska 4/5,

Nánari upplýsingar

Sunna Snædal Jónsdóttir, [email protected], 825-3518

Nýrnalækningar

Hringbraut

101 Reykjavík

Auglýsing birt7. mars 2025

Umsóknarfrestur1. apríl 2025

Tungumálahæfni

Íslenska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)

Háskólamenntaður starfsmaður á erfða- og sameindalæknisfræðideild