Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Almennur læknir - Hefur þú áhuga á skurðlækningum?

Við sækjumst eftir almennum læknum sem hafa áhuga á að auka þekkingu sína á skurðlækningum. Starfshlutfall er 100% og er starfið laust frá 1. júní eða eftir samkomulagi, til 6 mánaða með möguleika á framlengingu.

Starfið veitir góða þekkingu á meðferð sjúkdóma sem þarfnast skurðaðgerða sem og áverka. Reynsla sem nýtist vel þeim sem stefna á starf í heimilislækningum, bráðalækningum eða áframhaldandi sérnám í skurðlækningum.

Á skurðdeildum starfar öflugur hópur sérfræðilækna og sérnámslækna í þverfaglegu teymi. Við tökum vel á móti nýju samstarfsfólki og veitum góða aðlögun með kynningu á verklagi og verkferlum.

Menntunar- og hæfniskröfur

Hafa lokið sérnámsgrunni eða sambærilegu starfsnámi, sem samþykkt hefur verið af kennsluráði sérnámsgrunns, við upphaf starfs

Íslenskt lækningaleyfi

Góð færni í mannlegum samskiptum

Öguð vinnubrögð

Að lágmarki B2 tungumálafærni í íslensku, nema um annað hafi verið samið sérstaklega

Helstu verkefni og ábyrgð

Þjálfun í skurðlækningum með þátttöku í klínísku starfi á göngu-, legu- og skurðdeild

Dagvaktir sem ráðgefandi fyrir bráðamóttöku og aðrar deildir Landspítala undir handleiðslu sérfræðinga

Kvöld- og helgarvaktir í teymi sérnámslækna og sérfræðilækna

Þátttaka í kennslu kandídata, læknanema og annarra fagstétta heilbrigðisstarfsmanna eftir því sem við á

Þátttaka í vísindastarfi, þróunar- og gæðaverkefnum eftir því sem við á

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, læknir, læknir með lækningaleyfi

Nánari upplýsingar

Hjörtur Friðrik Hjartarson, [email protected],

Elsa Björk Valsdóttir, [email protected],

Aðstoðar- og deildarlæknar SKU

Hringbraut

101 Reykjavík

Auglýsing birt8. maí 2025

Umsóknarfrestur22. maí 2025

Tungumálahæfni

Engar sérstakar tungumálakröfur

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (38)

Almennur læknir - Hefur þú áhuga á svæfinga- og gjörgæslulækningum?