Hamrar, útilífsmiðstöð skáta sér m.a. um rekstur tjaldsvæða Akureyrar að Hömrum. Hamrar eru vinsæll viðkomustaður ferðamanna sem leggja leið sína til Akureyrar. Þetta eru bæði gestir sem gista á tjaldsvæðinu að Hömrum við fullkomnar aðstæður, aðrir ferðamenn og bæjarbúa sem vilja njóta útivistar í fallegu umhverfi þar sem bjóðast ýmsir möguleikar til afþreyingar. Á svæðinu eru m.a. leikvellir og ýmiskonar leiksvæði ásamt tjörnum með möguleika á ýmsum vatnaleikjum.