Háskólinn á Bifröst

Háskólinn á Bifröst hefur í meira en hálfa öld menntað fólk til áhrifa og ábyrgðar í íslensku samfélagi. Háskólinn leggur áherslu á samþættingu fræða og framkvæmdar og hefur verið leiðandi hér á landi í uppbyggingu og þróun stafrænnnar menntunar á háskólastigi.

Vinnustaðurinn

Akademísk staða í viðskiptadeild

Háskólinn á Bifröst leitar að akademískum starfsmanni í 50-100% stöðu við viðskiptadeild Háskólans. Við leitum að einstaklingi með metnað og áhuga á að taka virkan þátt í þróun kennslu og rannsókna við deildina sérstaklega á sviði verkefnastjórnunar eða skyldum greinum. Háskólinn á Bifröst leggur áherslu á samþættingu fræða og framkvæmdar í kennslu og er leiðandi í þróun stafræns fjarnáms á háskólastigi hér á landi. Háskólinn á Bifröst er með starfsstöðvar í Reykjavík og á Hvanneyri.

Helstu verkefni og ábyrgð

Kennsla á fræðasviðinu
Rannsóknir, fræðastörf á fræðasviðinu og umsóknir í rannsóknarsjóði
Þátttaka í samfélagslegri umræðu á fræðasviðinu
Þátttaka í stefnumótun og stjórnun

Menntunar- og hæfniskröfur

Framhaldsmenntun á háskólastigi á sviði verkefnastjórnunar, breytingastjórnunar eða verkfræði, doktorspróf er æskilegt
Kennslureynsla á háskólastigi
Rannsóknareynsla
Reynsla og þekking á leiðtogahæfni og þekking á notkun AI er kostur
Reynsla af uppbyggingu og mótun námskeiða er kostur
Reynsla af stjórnun á háskólastigi er kostur
Góð reynsla og tengsl innan atvinnulífs
Hæfni í mannlegum samskiptum, þjónustulund og skipulagsfærni
Mjög góð færni í íslensku og ensku, í ræðu og riti

Með umsókn fylgi ferilskrá yfir nám, störf og rannsóknir þar sem kennslureynsla er m.a. útlistuð, afrit af útskriftarskírteinum ásamt stuttu kynningarbréfi. Í kynningarbréfi komi fram áhugasvið, sýn, nálgun og áherslur umsækjanda í kennslu og rannsóknum.

Tekið verður tillit til þarfa og áherslna viðskiptadeildar og hve vel umsækjendur falla að þeim. Starfsheiti verður ákvarðað út frá hæfismati sem viðkomandi fer í eftir að gengið hefur verið frá ráðningu.

Umsóknarfrestur er til og með 10.04.2025 og umsóknir skulu berast í gegnum Alfred.is.

Nánari upplýsingar veita Dr. Guðrún Johnsen, deildarforseti viðskiptadeildar, [email protected]

Háskólinn á Bifröst vinnur samkvæmt jafnréttisáætlun háskólans og hvetur alla óháð kyni til að sækja um. Farið verður með allar fyrirspurnir og umsóknir sem trúnaðarmál.

Auglýsing birt24. mars 2025

Umsóknarfrestur10. apríl 2025

Tungumálahæfni