AI-vöruþróun

Santé er leiðandi í sérhæfðri netverslun á Íslandi og rekur eigin tæknigrunn frá grunni — frá vöruhúsakerfi og vefverslun til sjálfvirkra afgreiðslulausna og íslensks AI-vínráðgjafa. Hjá okkur vinnur stærðfræðin verkin og gervigreindin segir söguna.

Við leitum að forvitnum einstaklingi með einlægan áhuga á gervigreind, hugbúnaðarþróun og verslunartækni. Þú vinnur náið með tæknistjóra að áframhaldandi þróun hugbúnaðarins okkar með nútíma AI-verkfærum, samhliða því að móta og miðla efni á samfélagsmiðlum. Þetta er ekki hefðbundið forritarastarf, heldur fjölbreytt hlutverk fyrir þann sem vill bæði byggja og segja söguna.

Formleg menntun í tölvunarfræði er ekki skilyrði. Áhugi, frumkvæði og geta til að tileinka sér nýja tækni vegur þyngra en gráður eða starfsheiti. Í boði er fullt starf, fastráðning og raunveruleg áhrif á það sem byggt er hjá fyrirtæki í örri þróun.