Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Vinnustaðurinn

Áhugaverð tæknistörf við framkvæmdir á Vestursvæði

Hefur þú áhuga á því að hanna og undirbúa stórar sem smáar vegaframkvæmdir eða brennur þú fyrir framkvæmdum?

Við leitum að nýjum liðsmönnum í öflug teymi Vestursvæðis með möguleika á starfsstöð á svæðismiðstöðinni í Borgarnesi eða á Ísafirði.

Teymin hafa umsjón og eftirlit með framkvæmdum í vegagerð. Störfin fela í sér ferðalög og þurfa umsækjendur að vera tilbúnir til að sinna verkefnum á starfssvæðinu öllu, sem nær um Vesturland og Vestfirði.

Helstu verkefni og ábyrgð

Tæknideild sér um hönnun og undirbúning þeirra verka sem tilheyra svæðinu ásamt skipulagsmálum og umferðaröryggismálum.

Hönnun og undirbúningur viðhalds- og nýframkvæmda
Gerð útboðs- og verklýsinga
Umsjón með hönnun og undirbúningi
Mælingar tengdar framkvæmdum og undirbúningi verka

Umsjónardeild hefur umsjón og eftirlit með þeim framkvæmdum sem tilheyra svæðinu ásamt viðhaldi bundinna slitlaga, styrkingar og endurbætur ásamt efnisvinnslu.

Umsjón og eftirlit með nýframkvæmdum og viðhaldi vega á öllu Vestursvæði
Rýni útboðsgagna í nýframkvæmdum
Skýrslugerð tengd framkvæmdum og viðhaldi
Mælingar tengdar framkvæmdum og undirbúningi verka

Menntunar- og hæfniskröfur

Háskólamenntun eða starfsreynsla sem nýtist í starfi
Verk- eða tæknimenntun æskileg
Frumkvæði og hæfni til að vinna sjálfstætt sem og í hóp
Góðir samstarfshæfileikar og þjónustulund
Gott vald á íslensku og ensku
Öryggisvitund

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru.
Áhugasamir einstaklingar, án tillits til kyns, eru hvattir til að sækja um.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu. Laun eru greidd samkvæmt kjarasamningi ríkisins og viðkomandi stéttarfélags.

Tekið skal fram að umsóknir geta gilt í sex mánuði frá því að umsóknarfrestur rennur út. Öllum umsóknum um starfið verður svarað þegar ákvörðun um ráðningu hefur verið tekin.

Nánari upplýsingar veita:

Dagný Ósk Halldórsdóttir, deildarstjóri umsjónardeildar - dagny.o.halldorsdottir@vegagerdin.is – 5221000

Birgitta Rán Ásgeirsdóttir, deildarstjóri tæknideildar – birgitta.r.asgeirsdottir@vegagerdin.is - 5221000

Pálmi Þór Sævarsson, svæðisstjóri Vestursvæðis – palmi.th.saevarsson@vegagerdin.is – 5221000

Vakin er athygli á því að persónuupplýsingum um umsækjendur kann að verða miðlað til ráðningarstofu sem kæmi að vinnu við ráðningarferlið. Öll vinnsla og meðferð persónuupplýsinga í ráðningarferlinu fer fram í samræmi við persónuverndarstefnu sem birt er á heimasíðu Vegagerðarinnar, sjá vegagerdin.is/um-vegagerdina/markmid-og-stefnur/personuverndarstefna/

Auglýsing stofnuð28. febrúar 2024

Umsóknarfrestur13. mars 2024

Tungumálahæfni