Laus störf Hæfnileit Vinnustaðir Námskeið

Fagrabrekka

Leikskólinn Fagrabrekka er fjögra deilda leikskóli þar sem dvelja um 70 börn. Leikskólinn starfar eftir hugmyndafræði Reggio Emilia en mikil áhersla er lögð á að börnin læri af reynslu. Leikskólinn hefur sett þau markmið bæði börn og starfsfólk beri virðingu fyrir sjálfum sér og öðrum og að sýna gleði og frumkvæði í leik og starfi. Í Fögrubrekku reynum við að láta börnin fylgja sínum hóp, bæði börnum og kennurum, í gegnum skólagönguna. Það stuðlar að því að börnin mynda sterk tengsl bæði við leikfélaga sína og kennara. Einnig hjálpar þetta við að byggja upp gott samband á milli leikskóla og foreldra, þar sem við kynnumst vel á þeim árum sem börnin eru í leikskólanum.

Vinnustaðurinn

Aðstoðarmatráður í Fögrubrekku

Aðstoðarmatráður starfar með matráði í eldhúsi leikskólans og sér auk þess um þvott og frágang og heldur kaffistofu snyrtilegri.

Ráðið er í starfið frá 10. ágúst næstkomandi og starfshlutfall er 90%. Laun eru samkvæmt kjarasamningi Launanefndar sveitarfélaga og viðkomandi stéttarfélags.

Þau sem eru ráðin til starfa í leikskólum Kópavogs þurfa að undirrita heimild til að afla upplýsinga úr sakaskrá.

Helstu verkefni og ábyrgð

Sér um þrif á eldhúsi samkvæmt Gámes þrifaáætlun – gólfþrif undanskilin.

Sér um þvotta, frágang og heldur þvottahúsi og vélum snyrtilegum.

Sér um uppvask.

Situr starfsmannafundi eftir þörfum.

Heldur kaffistofu snyrtilegri.

Hefur góða samvinnu við allar deildir leikskólans jafnt börn sem starfsfólk.

Aðstoðar í þeim verkefnum sem til falla í eldhúsi t.d. að færa upp matinn, sjá um meðlæti, setja á vagna og fleira.

Í forföllum matráðs tekur viðkomandi upp starfslýsingu matráðs og tekur einnig fullan þátt í matseld þegar þörf er á.

Sinnir öðrum þeim störfum sem yfirmaður felur honum.

Menntunar- og hæfniskröfur

Ábyrgur og jákvæður einstaklingur sem á auðvelt með mannleg samskipti.

Sjálfstæð vinnubrögð.

Snyrtimennska.

Áhugasemi og ábyrgðarkennd.
Góð íslenskukunnátta.

Fríðindi í starfi

Frítt í sund í sundlaugum Kópavogsbæjar
Styttri vinnuvika
Frítt fæði
Íþróttastyrkur

Ráðið er í starfið frá 10. ágúst næstkomandi og starfshlutfall er 90%. Laun eru samkvæmt kjarasamningi Launanefndar sveitarfélaga og viðkomandi stéttarfélags.

Tekið verður mið af jafnréttisstefnu Kópavogsbæjar við ráðningu í starfið.

Nánari upplýsingar um starfið gefur Egill Óskarsson leikskólastjóri eða Anna Friðriksdóttir aðstoðarleikskólastjóri í síma 441-6200. Einnig má senda fyrirspurnir á [email protected]

Eingöngu er tekið við umsóknum í gegnum ráðningavef Alfreðs.

Auglýsing birt8. júní 2026

Umsóknarfrestur22. júní 2026

Tungumálahæfni