Aðstoðarmaður framkvæmdastjóra Kara Connect

Við hjá Kara Connect leitum að skipulögðum og drífandi einstaklingi í hlutverk aðstoðarmanns framkvæmdastjóra. Hlutverkið er fjölbreytt og krefjandi – þar sem þú verður lykilaðili í því að tryggja skilvirkni, yfirsýn og samhæfingu í starfi framkvæmdastjóra og söluteymisins.

Þetta er kjörið tækifæri fyrir lausnamiðaðan einstakling með hæfileika til að sjá heildarmyndina, halda utan um verkefni og hafa áhrif á framgang fyrirtækisins á mikilvægu vaxtarskeiði.

Helstu verkefni og ábyrgð:

• Stuðningur við sölu: Bókun sölufunda fyrir framkvæmdastjóra, forgangsröðun tölvupósta og eftirfylgni með söluleiðum.

• Hagræðing ferla: Straumlínulaga sölu- og markaðsferla til að bæta vinnuflæði og auka skilvirkni.

• Stjórnun HubSpot CRM: Skipulag og viðhald gagna ásamt skýrslugerð og yfirsýn yfir samninga, tengiliði og samskipti.

• Forgangsröðun og skipulagning: Hafa góða yfirsýn yfir verkefni til að tryggja skýran fókus, sýnileika brýnna verkefna og koma í veg fyrir flöskuhálsa.

• Aðstoð við ólík markaðsmál: Stuðningur við gerð efnis, sölukynninga og annarra markaðsefna sem tengjast starfi framkvæmdastjóra.

Menntunar og hæfnikröfur

• Menntun sem nýtist í starfi

• Reynsla af sölutengdri vinnu og/eða stuðningi við stjórnendur

• Frumkvæði, skipulagshæfni og hæfni í samskiptum

• Mjög góð hæfni í ensku, bæði rituðu og töluðu máli

Af hverju Kara Connect?

Hjá Kara Connect færðu tækifæri til að vinna í metnaðarfullu teymi sem leggur áherslu á heilbrigðan vinnukúltúr, sveigjanleika og lausnir sem skipta máli. Við erum á spennandi vaxtarbraut og leitum að einstaklingi sem vill vaxa með okkur.

Nánari upplýsingar veitir Kristín Björk Einarsdóttir [email protected]